50 हजारांची लाच भोवली : अमळनेर तालुक्यातील लाचखोर ग्रामपंचायत अधिकारी जळगाव एसीबीच्या जाळ्यात
गणेश वाघ
भुसावळ (30 एप्रिल 2026) : बारा लाख रुपयांचे बिल मंजूर केल्याच्या मोबदल्यात सात टक्के प्रमाणे एकूण 84 हजार रुपयांची लाच मागून तडजोडीअंती 50 हजारांची लाचा स्वीकारताना अमळनेर तालुक्यातील नगाव बुद्रुक येथील ग्रामपंचायत येथील ग्राम विकास अधिकारी रवींद्र देविदास पवार (48) यांना जळगाव एसीबीने गुरुवारी सायंकाळी राहत्या घरातून अटक केल्याने लाचखोर प्रचंड हादरले आहेत.
यांनी केला सापळा यशस्वी
जळगाव एसीबीचे पोलीस उपअधीक्षक योगेश ठाकूर यांच्या मार्गदर्शनाखाली पोलीस निरीक्षक हेमंत नागरे, उपनिरीक्षक दिनेशसिंग पाटील, सुरेश पाटील, बाळू मराठे, किशोर महाजन, सुनील वानखेडे, भूषण पाटील, मनोज पाटील प्रणेश ठाकूर, अमोल सूर्यवंशी सचिन साठे आदींच्या पथकाने हा सापळा यशस्वी केला.
