वाहनधारकांनो इकडे लक्ष द्या : उष्णतेच्या पार्श्वभूमीवर जळगाव आरटीओ कार्यालयाच्या वेळेत बदल

Attention Motorists: Jalgaon RTO Office Timings Revised Amidst Rising Heat जळगाव (7 मे 2026) : जळगाव जिल्ह्यात सध्या वाढत्या तापमानामुळे उष्णाघाताच्या रुग्णांमध्ये दिवसेंदिवस वाढ होत आहे. या पार्श्वभूमीवर प्रादेशिक परिवहन कार्यालयात योग्यता प्रमाणपत्र नूतनीकरण, कच्ची व पक्की अनुज्ञप्ती (लायसन्स) चाचणी आदी कामांसाठी येणार्‍या वाहनमालक, चालक व अनुज्ञप्तीधारकांच्या आरोग्याची काळजी घेण्यासाठी कार्यालयाच्या अपॉइंटमेंट वेळेत तात्पुरता बदल करण्यात आला आहे.

प्रादेशिक परिवहन अधिकारी, जळगाव यांनी दिलेल्या माहितीनुसार, कार्यालयातील पूर्वीच्या अपॉइंटमेंट वेळेत बदल करून नवीन वेळ सकाळी आठ ते दुपारी दोन वाजेपर्यंत निश्चित करण्यात आली आहे. ही वेळ तात्पुरत्या स्वरूपात लागू राहणार आहे.