गोठा शेड योजनेचे अनुदान त्वरीत वितरित करा

Disburse the subsidy for the cattle shed scheme immediately भडगाव (19 जून 2026) : भडगाव तालुक्यातील महात्मा गांधी राष्ट्रीय ग्रामीण रोजगार हमी योजनेअतर्गत राबविण्यात येणार्‍या गोठा शेड योजनेचा निधी रखडल्याने तालुक्यातील तब्बल 120 लाभार्थी अद्यापही अनुदानापासून वंचित आहेत. या लाभार्थींना शासन स्तरावर प्रयत्न करून तत्काळ निधी उपलब्ध करून द्यावा, अशी मागणी शेतकरी संघटनेचे तालुकाध्यक्ष अखिलेश पाटील यांनी के.बी.अंजने गट विकास अधिकारी पंचायत समिती भडगांव यांना निवेदन देऊन केली आहे.

अशा आहेत निवेदनातील मागण्या
गत वर्षभरापासून रोजगार हमी योजनेअंतर्गत राबविण्यात येणार्‍या गोठा शेड योजनेत तालुक्यातील बरेच शेतकरी पात्र आहेत. त्यांना अकुशल निधीचेदेखील वितरण झाले नाही. कुशल निधीचे अनुदान अद्याप लाभार्थी शेतकर्‍यांना मिळाले नसल्याने त्यांच्या मनात नाराजीचे वातावरण आहे. शेतकर्‍यांनी स्वखर्चातून गोठा शेडचे बांधकाम पूर्ण केलेले असताना लाभार्थी वर्षभरापासून राहिलेल्या निधीच्या प्रतीक्षेत आहेत,