आगामी वर्षभरात भुसावळकरांना मिळणार ‘अमृत’ चे पाणी : मंत्री संजय सावकारे

सत्तांतरानंतर लागला होता कामांना ‘ब्रेक’
दरम्यान, ‘अमृत-2’ टप्प्यातील कामांना विधानसभा निवडणुकीपूर्वी सुरुवात झाली होती. या टप्प्यात जलशुद्धीकरण केंद्र, शहरातील उर्वरित पाणीपुरवठा लाईन, नदीपात्रातून पाणी उचलण्यासाठी जॅकवेल तसेच एका जलकुंभाचा समावेश आहे. शहरासाठी एकूण 11 जलकुंभांची योजना असून त्यापैकी 10 जलकुंभ ‘अमृत-1’मध्ये पूर्ण करण्यात येणार होते, तर उर्वरित एक जलकुंभ ‘अमृत-2’मध्ये घेण्यात आला आहे. मात्र नगरपालिकेतील सत्तांतरानंतर या जलकुंभाच्या कामाला काही काळ स्थगिती देण्यात आली होती. प्रभारी नगराध्यक्ष शैलजा नारखेडे यांनी पदभार स्वीकारल्यानंतर या कामाला पुन्हा हिरवा कंदील दिला. त्यानंतरच भूमिपूजनाचा मार्ग मोकळा झाला.

19 लाख 55 हजार लीटर क्षमतेचा जलकुंभ
प्रभाग क्रमांक 20 मधील आठवडे बाजार परिसरात उभारला जाणारा हा जलकुंभ सुमारे 18 मीटर उंच असून त्याची साठवण क्षमता अंदाजे 19 लाख 55 हजार लिटर इतकी आहे. शहराच्या वाढत्या पाणीगरजांच्या पार्श्वभूमीवर हा जलकुंभ महत्त्वाचा ठरणार असल्याचे सांगितले जाते.

यांची होती उपस्थिती
यावेळी प्रभारी नगराध्यक्ष शैलेजा नारखेडे, भाजपा गटनेते युवराज लोणारी, पाणीपुरवठा समिती सभापती महिमा नागराणी, शिक्षण समिती सभापती राजेंद्र आवटे, महिला व बालकल्याण समिती सभापती शोभा इंगळे, आरोग्य समिती सभापती मेघा वाणी, उद्योगपती मनोज बियाणी, सीमा नरवाडे, पिंटू कोठारी, गिरीश महाजन, सुजित भोळे, महेंद्रसिंग ठाकूर, किरण कोलते, प्राची पाटील, डॉ.छाया फालक-देशमुख, सोनम इंगळे, विशाल नाटकर, प्रीती पाटील, नितीन धांडे, डॉ.प्रसाद बोंडे, आशिष पटेल, अर्चना सातदिवे, पूजा तायडे, आशा पाटील, निकी बत्रा, भाजपा शहराध्यक्ष संदीप सुरवाडे, पुरुषोत्तम नारखेडे, सतीश सपकाळे आदींसह भाजपाचे नगरसेवक व पदाधिकारी यांच्यासह विविध क्षेत्रातील मान्यवर, पदाधिकारी व नागरिक मोठ्या संख्येने उपस्थित होते.