उरण ओएनजीसी गॅस प्लांटमधील आगीत पाच जणांचा मृत्यू ?

रायगड : उरण येथील ओएनजीसी गॅस प्लांटमध्ये मंगळवारी सकाळी मोठी आग लागली असून या आगीत पाच जणांचा मृत्यू झाल्याची भीती आहे. सुरक्षेच्या कारणास्तव एक किलोमीटरच्या परिसरात येण्यास मनाई करण्यात आली आहे. आगीची माहिती मिळताच घटनास्थळी जेएनपीटी आणि ओएनजीसी अग्निमन दलाचे सुरक्षा अधिकारी आणि कर्मचारी दाखल झाले आहेत. आगीवर नियंत्रण मिळविण्याचे प्रयत्न सुरु आहेत. आगीत काही कर्मचारी जखमी णाले असून त्यांना उपचारासाठी जवळच्या रुग्णालयात दाखल करण्यात आले आहेत. आगीची तीव्रता लक्षात घेऊन येथील नागरीकांना सुरक्षित ठिकाणी स्थलांतरीत करण्यात येत आहेत. तसेच सुरक्षेच्या कारणास्तव एक किलोमीटर परीसरात येण्यास नागरीकांना मज्जाव करण्यात आला आहे.ही आग कशामुळे लागली याची माहिती देण्यात आलेली नाही. तसेच सोमवारीही आगीची घटना घडली होती. उरण येथील बामर लॉरी गोदामातील कपड्याने भरलेल्या कंटेनरला आग लागली होती. कंटेनरमधील माल जळून खाक झाल्याने मोठे नुकसान झाले होते.