शहीद कोरोना योद्ध्यांचे विमा कवच प्रस्ताव मंजुरीसाठी खंडपीठात जनहित याचिका

या मागण्यांसाठी जनहित याचिका
कोरोना योद्ध्यांच्या मृत्यूनंतर इन्शुनन्स मिळण्यासाठी प्रस्ताव त्यांच्या कार्य ठिकाणावरून जळगाव मग नाशिक तर काहींचा मुंबई नंतर पुणे/नागपूर येथील दि न्यू इंडिया एश्योरन्स कंपनी लिमिटेड यांच्याकडे सेटल होण्यासाठी जातो मात्र काही कागदपत्रे कमी राहिल्यास परत फायतीचा उलट दिशेने प्रवास सुरू होतो मुळात ही प्रक्रिया वेळ खावू आहे शिवाय या प्रक्रियेत शासकीय दिरंगाई दिसून येते. त्यामुळे कुठेतरी शासनाला मयत कोरोना योध्या व परीवार याविषयी असंवेदना दिसून येत असल्याचे म्हटल्यास वावगे ठरू नये. विमा कवच देणार्‍या दि न्यू इंडिया एश्योरन्स कंपनीने प्रत्येक जिल्हास्तरावर एक विमा प्रतिनिधी नेमल्यास संबंधिताना कागदपत्रांची पूर्तता करताना अडचण येणार नाही शिवाय कोरोना योद्ध्यांच्या परीवाराची त्यामुळे ससेहोलपट देखील थांबेल, असेही डॉ.नि.तु.पाटील यांनी आपल्या याचिकेत नमूद केले आहे.

प्रत्येक जिल्हास्तरावर एक विमा प्रतिनिधी नेमावा,
डॉ.पाटील यांनी न्याय मागणीसाठी ऑनलाईन जनहित याचिका ई-मेल मुंबई/औरंगाबाद खंडपीठात पाठवली असून कागदपत्रे स्पीडपोस्टाने पाठवणार असून ही मागणी मान्य झाल्यास महाराष्ट्रामधील तमाम करोना योद्धा यांचे प्रस्ताव तातडीने मंजूर होतील आणि त्यामुळे परीवाराला आर्थिक दिलासा मिळेल शिवाय कार्यरत कारोना योध्याचं मनोबल वाढेल, असेही डॉ.नितु पाटील कळवतात.