सरकारी वकील प्रवीण चव्हाणांनी आरोप फेटाळले ; म्हणाले ‘स्टींग’मागे जळगाव कनेक्शन उघड ; जाणून घ्या नेमकी बातमी

घड्याळात लावला छुपा कॅमेरा
सरकारी वकील प्रवीण चव्हाण म्हणाले की, माझ्या पुणे येथील कार्यालयात तेजस मोरे या तरुणाने आपल्याला एक घड्याळ भेट दिले होते. हे घड्याळ आपण कार्यालयात लावले होते. यातील छुप्या कॅमेर्‍यातून आपले स्टींग करण्यात आले. मात्र यात आपण कुणाचेही नाव घेतलेलेच नाही तर हे व्हिडीओ एडीट करण्यात आलेले आहे. यात माझ्या तोंडी नसणारी वाक्ये यात टाकण्यात आलेली आहेत.

चित्रीकरणात नसलेला आवाज टाकण्यात आला
या संदर्भात प्रवीण चव्हाण म्हणाले की, माझ्या चित्रीकरणात नसलेला आवाज यात टाकण्यात आलेला आहे. यामुळे हे व्हिडीओ पूर्णपणे एडिट करून तयार करण्यात आलेले आहेत. हे घड्याळ आपल्याला भेट म्हणून देणारा व्यक्ती तेजस मोरे असून तो जळगाव येथील असल्याची माहिती देखील प्रवीण चव्हाण यांनी याप्रसंगी दिली तर या प्रकरणाच्या सखोल चौकशीतून सत्य समोर येणार असल्याचेही त्यांनी नमूद केले.

स्टींग प्रकरणात ‘जळगाव कनेक्शन’ उघड
तेजस मोरे हा एका जामीनाच्या संदर्भात आपल्याकडे आला होता. त्याने आपल्याला विविध वस्तू देण्याचे सुचविले होते. यानंतर त्याने आपल्याला घड्याळ भेट दिले आणि ते अखेर आपण ऑफीसच्या भिंतीवर लावले. यातूनच आपले चित्रीकरण करून यातील व्हिडीओ एडीट करण्यात आल्याचा आरोप देखील त्यांनी केला. दरम्यान, तो जळगावचा असल्याने या प्रकरणात जळगावचे कनेक्शन असल्याचा आरोप देखील त्यांनी केला. तर तेजस मोरे याच्या सोबत चाचू नावाची व्यक्ती होता अशी माहिती देखील त्यांनी याप्रसंगी दिली. दरम्यान, प्रवीण चव्हाण यांच्या आरोपांमुळे खळबळ उडाली आहे.

• लग्नाच्या आमिषाने धरणगावातील अल्पवयीन मुलीवर बलात्कार

• देवेंद्र फडणवीसांनी स्पष्टच सांगितले : पेनड्राइव्ह बॉम्ब ही तर झलक ; पिक्चर अभी बाकी है…!

• माजी मंत्री गिरीश महाजनांसह आपल्याला संपवण्याचा डाव : विरोधी पक्षनेते देवेंद्र फडणवीस