भुसावळ : शहरातील जाम मोहल्ला भागातील शालिमार हॉटेल नजीक सार्वजनिक ठिकाणी संशयीत आरोपी युनूस गुलाम शेख (60, रा.जाम मोहल्ला, भुसावळ) हा कल्याण मटका जुगार खेळत असताना त्यास 9 रोजी रात्री आठ वाजेच्या सुमारास अटक करण्यात आली. आरोपीच्या ताब्यातून 740 रुपयांची रोकड व सट्टा जुगाराची साधने जप्त करण्यात आली. ही कारवाई पोलिस उपअधीक्षक गजानन राठोड व बाजारपेठ पोलिस निरीक्षक दिलीप भागवत यांच्या मार्गदर्शनाखाली हवालदार संजय भदाणे, नाईक किशोर महाजन, सुभान तडवी, विकास सातदिवे, कृष्णा देशमुख, बापुराव बडगुजर, ईश्वर भालेराव, प्रशांत परदेशी आदींच्या पथकाने केली.
