चाळीसगावात भर दिवसा भामट्या महिलांनी सात लाखांची रोकड लांबवली

घराच्या बांधकामासाठी आणले होते मुलीकडून पैसे
सुशीलाबाई यांनी घरात जाऊन बघितले असता चोरी झाल्याचे लक्षात आले. त्यावेळी बेडमध्ये ठेवलेले सात लाख रुपये जागेवर नव्हते. विशेष म्हणजे घरातून जाताना अज्ञात महिलांनी आतून बंद असलेला मुख्य दरवाजा उघडला होता. दोन्ही महिलांना परीसरातील रहिवाशांना जाताना व येताना पाहिले आहे. सुशिलाबाई यांची मुलगी सुनिता नीलेश गोसावी (रा. मालेगाव) यांच्या घराच्या बांधकामासाठी, त्यांची दुसरी मुलगी प्रतिमा राजु बुवा (रा.धुळे) यांच्याकडून सात लाख रुपये आणलेले होते. घटनेची माहिती मिळताच पोलिस निरीक्षक के.के. पाटील आणि त्यांचे सहकार्‍यांनी धाव घेतली

रीक्षा चालकाचीही चौकशी !
याबाबत शहर पोलिसात सायंकाळी दोन अनोळखी महिलेविरुद्ध गुन्हा दाखल करण्यात आला. पोलिसांनी परीसरातील सर्व सीसीटीव्हीची तपासणी केली. त्यात त्या दोन महिला रीक्षातून आल्याचे आढळल्यानंतर रीक्षा चालकाला बोलावून माहिती घेण्यात आली. दोन अज्ञात महिलांपैकी एका महिलेने पिवळ्या रंगाचा फुल बाह्यांचा टॉप व काळी जीन्स, तर दुसर्‍या महिलेने काळ्या रंगाची पँट व काळ्या रंगाचा टॉप परीधान केला होता, सोबत काळ्या रंगाची बॅग होती. दोन्ही महिलांना सिग्नल पॉइंटवर सोडल्याचे रीक्षा चालकाने सांगितले.