भुसावळात शुक्रवारपासून खान्देश नाट्यमहोत्सवाचे आयोजन

Khandesh Theater Festival organized in Bhusawal from Friday भुसावळ : शहरातील उत्कर्ष कलाविष्कार संस्थेतर्फे नानासाहेब देविदास गोविंद फालक स्मृती खान्देश नाट्य महोत्सव (प्रायोगिक) येत्या शुक्रवार, 3 फेब्रुवारी सुरु होत आहे. तीन दिवस चालणार्‍या या महोत्सवात दोन बालनाट्ये व चार मोठी नाटके अशी एकूण सहा नाटके सादर केली जाणार आहे.

एकूण सहा नाटकांचे सादरीकरण
संस्थेचे अध्यक्ष व ज्येष्ठ नाट्यकर्मी अनिल कोष्टी यांनी महोत्सवाची माहिती देतांना सांगितले की, महोत्सवाचे आयोजन रेल्वेच्या श्रीकृष्णचंद्र सभागृहात करण्यात आले आहे. महोत्सवात सहा नाटके सादर होणार असून महोत्सवाचे हे अकरावे वर्ष आहे. गेल्या दहा वर्षापासून खानदेश नाट्य महोत्सवात जवळपास 75 नाटकांनी आपले सादरीकरण केले आहे. यावर्षी नाट्य महोत्सव महोत्सवात मुंबई, रत्नागिरी, पुणे, जळगाव, भुसावळ येथील दर्जेदार नाटकांची मेजवानी मिळणार आहे.