नशिराबादनजीक भरधाव आयशरने दुचाकीला उडवले : जामनेर तालुक्यातील दाम्पत्य ठार

A high-speed Eicher blew up a two-wheeler near Nashirabad : a couple from Jamner taluka was killed. जळगाव : दुचाकीने गावाकडे निघालेल्या दाम्पत्याला भरधाव आयशरने धडक दिल्याने दाम्पत्याचा जागीच मृत्यू झाला तर सुदैवाने चिमुकला बचावल्याची घटना नशिराबादजवळील महाजन हॉटेलजवळ शनिवारी सकाळी साडेनऊ वाजता घडली. अपघातानंतर आयशर चालक वाहन सोडून पसार झाला तर पोलिसांनी अपघाताला कारणीभूत असलेला आयशर जप्त केला आहे. शेनफडू बाबूराव कोळी (35), भारती शेनफडू कोळी (32, सामरोद) अशी मयत दाम्पत्याची नावे आहेत तर रूद्र कोळी (3) हा चिमुकला अपघातात बचावला असून त्यास किरकोळ दुखापत झाली आहे.

असा घडला अपघात
शेनफडू कोळी हे त्यांची पत्नी भारती कोळी मुलगा रुद्रसह सामरोद येथे कुटुंबासह शेती काम करून राहतात. ते शनिवार, 24 जून रोजी सकाळी आसोदा येथे त्यांच्या नातेवाईकाकडे भेटीसाठी आले असता तेथून सकाळी नऊ वाजेच्या सुमारास ते परत निघाले. नशिराबादहून कुर्‍हा ार्गे सामरोदला जाण्यासाठी ते दुचाकी (क्र.एम.एच.19 ए.ए.2095) ने निघाले असता नशिराबाद येथे महाजन हॉटेलजवळ आयशर वाहनाने धडक दिल्यामुळे ते जागीच कोसळले. त्यात भारती कोळी यांचा जागीच मृत्यू झाला. शेनफडू कोळी व त्यांचा मुलगा रुद्र याला नशिराबाद पोलीस व नागरीकांनी जिल्हा सामान्य रुग्णालयात उपचारार्थ हलवल्यानंतर उपचारादरम्यान शेनफडू याचा मृत्यू झाला. सुदैवाने रुद्र कोळी हा चिमुकला अपघातात बचावला आहे.

आयशर वाहन जप्त
यत कोळी परीवाराच्या नातेवाईकांनी रुग्णालयात गर्दी केली असून दाम्पत्याच्या मृत्यूनंतर कुटुंबीयांनी हंबरडा फोडला. सहाय्यक पोलीस निरीक्षक रामेश्वर मोताळे व कर्मचार्‍यांनी अपघातस्थळी धाव घेत आयशर वाहन जप्त केले तर चालक मात्र पसार झाला आहे.