Rescue of 25 cattle before slaughter in Jalgaon : Six suspects in custody जळगाव : बकरी ईदनिमित्त मोठ्या प्रमाणावर गुरांची कत्तल होणार असल्याची माहिती पोलीस यंत्रणेला मिळाल्यानंतर शहरातील छत्रपती शिवाजी नगरातील मुघल गार्डन परीसरातील सय्यद असरारूल कादरीया मशिदजवळील मोकळ्या जागेत पोलिसांनी कारवाई करीत 25 गोवंशाची सुटका केली तर गो वंशाचे मांसही जप्त केले. या प्रकरणी सहा संशयिताना पोलिसांनी ताब्यात घेतले. ही कारवाई गुरूवारी सकाळी करण्यात आली.
25 गोवंशाची सुटका
जळगाव शहरातील छत्रपती शिवाजी नगराजवळील मुघल गार्डन परीसरातील सय्यद असरारूल कादरीया मशीदजवळील मोकळ्या जागेत बेकायदेशीररीत्या गोवंशाचे मांस आणि काही जनावरांना कोंबून ठेवल्याची गोपनिय माहिती पोलीस उपअधीक्षक संदीप गावीत यांना मिळाली. त्यानुसार गुरूवार, 29 जून रोजी सकाळी आठ वाजता पोलीस उपअधीक्षक संदीप गावीत यांच्यासह त्यांचे पथक आणि शहर पोलीस ठाण्याचे पोलीस कर्मचारी यांनी मुघल गार्डन परीसरात छापा टाकला. या कारवाईप्रसंगी गोवंशाचे मांस आणि निदर्यपणे कोंबून व बांधून ठेवलेल्या 25 गोवंशाची जनावरे मिळून आली.
यांना घेतले ताब्यात
संशयित वकार युनूस मोईद्दीन शेख (29, मोहमदीया नगर), इमरान खान रहेमान खान (38, मुघल गार्डन), शेख दानीश शेख इरफान (21, उस्मानिया पार्क), सैय्यद शहिद सैय्यद यासीन (32, भिलपूरा, जळगाव), जावेद शेख रशीद शेख (34, मुघल गार्डन) आणि मोहम्मद अयुब हकीमोद्दिन खान (32, मुघल गार्डन, जळगाव) यांना ताब्यात घेतले असून रात्री उशिरापर्यंत गुन्हा दाखल करण्याची कारवाई सुरू होती.
यांच्या पथकाने केली कारवाई
ही कारवाई जळगाव शहर पोलीस ठाण्याचे पोलीस निरीक्षक विलास शेंडे, पोलीस उपनिरीक्षक किशोर पवार, भरतसिंह पाटील, बशीर तडवी, वाहेद तडवी, भास्कर ठाकरे, रतन गीते, तेजस मराठे, योगेश पाटील, कमलेश पाटील, राजकुमार चव्हाण, दीपक पाटील तर पोलीस उपअधीक्षक संदीप गावीत यांच्या पथकातील पोलीस उपनिरीक्षक सुनील पाटील, सचिन साळुंखे, किरण धमके, विजय काळे आदींच्या पथकाने केली.
