भुसावळातील माहिती अधिकार कार्यकर्त्याच्या खुनामागे समोर आले ‘हे’ धक्कादायक कारण..,!

‘This’ is the shocking reason behind the murder of an information rights activist in Bhusawal..! भुसावळ : शहरात गुन्हेगारीने पुन्हा डोके वर काढले आहे. शहरात एकीकडे दसरा सणाचा उत्साह सुरू असताना दुसरीकडे जुन्या वादातून शहरातील माहिती अधिकार कार्यकर्ता दिलीप रामलाल जोनवाल (53, रा.महात्मा फुले नगर) यांची डोक्यात लोखंडी रॉड मारून निर्घृृण हत्या करण्यात आल्याची घटना शहर पोलिस ठाणे हद्दीतील गरूड प्लॉट भागातील क्रांती चौकात मंगळवारी रात्री 11.45 वाजेच्या सुमारास घडली. या घटनेने शहरासह तालुक्यात मोठी खळबळ उडाली आहे. दरम्यान, जोनवाल यांनी 24 वर्षांपूर्वी एकाचा खून केला होता व ‘त्या’ प्रकरणात मयताच्या मुलानेच वडिलांच्या खुनाचा बदला घेतल्याचे समोर आले आहे. चाकूहल्ल्यात एक आरोपी जखमी असून दुसर्‍याला अटक करण्यात आली.

24 वर्षानंतर घेतला वडिलांच्या हत्येचा बदला
भुसावळ शहरातील गवळीवाडा भागातील दस्तगीर गफूर खाटीक यांची 1999 मध्ये दिलीप जोनवालसह अन्य संशयीतांनी हत्या केली होती. खून प्रकरणात जोनवाल यांच्यावर कारवाईदेखील झाली होती मात्र वडिलांची हत्या करणार्‍यास कायमचा धडा शिकवण्यासाठी मयत दस्तगीर खाटीक यांचा मुलगा आदिल दस्तगीर खाटीक (गवळीवाडा, भुसावळ) व मयताचा पुतण्या साजीद सगीर खाटीक (गवळीवाडा, भुसावळ) हे आगीत जळत होते. मंगळवारी रात्री 11.45 वाजेच्या सुमारास दिलीप जोनवाल हे अकलूद येथून जेवण करून गरूड प्लॉट भागात येत असताना संशयितांनी त्यांचा रस्ता अडवत त्यांना सुरूवातीला बेदम मारहाण केली तसेच लोखंडी पाईपाने त्यांच्या डोक्यावर जोरदार प्रहार केल्याने मोठ्या प्रमाणावर रक्तस्त्राव होवून जोनवाल यांचा जागीच मृत्यू झाला तर प्रतिहल्ल्यात संशयित अदिल खाटीक जखमी झाला असून साजीदला बेड्या ठोकण्यात आल्या आहेत.