यावल तालुक्यातील भरड धान्य खरेदीसाठी ऑनलाईन नोंदणी सुरू
यावल (4 डिसेंबर 2024) : यावल तालुक्यात शासनाव्दारे जाहीर केलेल्या किमान आधारभूत किंमत खरेदी योजने अंतर्गत (खरीप) हंगाम भरडधान्य (ज्वारी, मका) खरेदीसाठी नोंदणीस सुरुवात झाली आहे.
ऑनलाईन नोंदणी आवश्यक
शेतकर्‍यांचा या भरडधान्य खरेदी उतम प्रतिसाद मिळत आहे. 2024-25 वर्षाच्या हंगामात केंद्र शासनाकडून किमान आधारभूत किंमत खरेदी योजनेंतर्गत (खरीप) हंगाम भरडधान्य (ज्वारी, मका) खरेदी केंद्र यावल, उपअभिकर्ता संस्था म्हणून तालुक्यातील कोरपावली विविध कार्यकारी सेवा सहकारी संस्था मार्फत नोंदणी सुरू झाली आहे.
शासकीय हमीभाव ज्वारी तीन हजार 371 आणि मका दोन हजार 225 प्रतिक्विंटलप्रमाणे दर लागू करण्यात आले आहे. शेतकर्‍यांनी नाव नोंदणी साठी आधार कार्ड झेरॉक्स, बँक पासबुक झेरॉक्स, पिकाचा ऑनलाईन चालु 2024-2025खरीप हंगामाचा (ज्वारी/मका) या पिकाचा पेरा नोंदविलेला 7/12 उतारा तलाठी यांची स्वाक्षरी असलेला ऑनलाईन नोंदणीकरीता शेतकर्‍याचा प्रत्यक्ष लायुव्ह फोटो अपलोड करणे आवश्यक आहे. त्याशिवाय नोंदणी पूर्ण होत नाही. नोंदणीसाठी त्वरीत संस्थेशी संपर्क करावा, असे आवाहन कोरपावली विविध कार्यकारी सेवा सहकारी सोसायटी कोरपावली तालुका यावल यांच्या वतीने करण्यात आले आहे.
शेतमालाची रक्कम आपण दिलेल्या बँक खाती ऑनलाइन पद्धतीने जमा होणार आहे त्यामुळे बँक खात्याची माहिती बिनचूक देण्यात यावी, तसेच बॅक अकाऊंट चालू स्थितीत तसेच पूर्ण अंकी असावे अन्यथा आपली रक्कम जमा होण्यास विलंब होईल किंवा चुकीच्या बँक खात्यामध्ये रक्कम वर्ग होऊ शकते त्यामुळे शेतकर्‍यांनी 25 डिसेंबरपर्यंत ऑनलाईन नोंदणी कोरपावली गावातील विकासोत करण्याचे आवाहन करण्यात आले आहे.
