धुळे व जळगाव जिल्ह्यातून 15 दुचाकींची चोरी : अट्टल चोरटा एमआयडीसी पोलिसांच्या जाळ्यात
नऊ गुन्ह्यांची उकल : पोलीस अधीक्षकांकडून पथकाचे कौतुक
15 two-wheelers stolen from Dhule and Jalgaon districts: A persistent thief caught by MIDC police जळगाव (6 फेब्रुवारी 2025) : धुळे व जळगाव जिल्ह्यातून दुचाकींची चोरी करणार्‍या कुविख्यात चोरट्याला जळगाव एमआयडीसी पोलिसांनी अटक करीत चोरीच्या 15 दुचाकी जप्त केल्याची माहिती जळगाव पोलीस अधीक्षक महेश्वर रेड्डी यांनी गुरुवारी पत्रकार परिषदेत दिली. विक्की नंदलाल भालेराव (28, रा.वाघनगर, जळगाव) असे अटकेतील चोरट्याचे नाव आहे.
गोपनीय माहितीवरून कारवाई
जळगाव एमआयडीसी पोलीस ठाण्याच्या हद्दीसह इतर भागात दुचाकी चोरीचे प्रमाण वाढल्याने पोलीस अधीक्षक महेश्वर रेड्डी, अपर पोलीस अधिक्षक अशोक नखाते आणि उपविभागीय पोलीस अधिकारी संदीप गावीत यांनी दुचाकीचे गुन्हे उघडकीस आणण्याच्या सुचना दिल्या होत्या. एमआयडीसी पोलीस ठाण्याच्या गुन्हे शोध पथकाला मिळालेल्या गोपनीय माहितीनुसार दुचाकी चोरी करणारा सराईत गुन्हेगार विक्की नंदलाल भालेराव हा एमआयडीसी पोलीस ठाण्याच्या हद्दीत आल्याचे कळताच त्यास ताब्यात घेण्यात आले. त्याच्याकडून सात लाख 50 हजार रुपये किंमतीच्या चोरीच्या 15 दुचाकी जप्त करण्यात आल्या. चोरट्याकडून दुचाकी चोरीच्या नऊ गुन्ह्यांची उकल करण्यास पोलिसांना यश आले आहे.
यांनी केली कारवाई
ही कारवाई एमआयडीसी पोलीस निरीक्षक संदीप पाटील यांच्या मार्गदर्शनाखाली पोलीस उपनिरीक्षक राहुल तायडे, चंद्रकांत धनके आणि गुन्हे शोध पथकातील कर्मचारी प्रदीप चौधरी, विकास सातदिवे, रतन गिते, राहुल घेटे, योगेश बारी आणि योगेश घुगे यांनी केली. तपास पोलीस उपनिरीक्षक चंद्रकांत धनके, प्रदीप चौधरी, विकास सातदिवे आणि रतन गीते करीत आहेत.
