मैत्रिणीला भेटण्यासाठी आलेल्या तरुणाचा मारहाणीत मृत्यू : जमावाकडून दोन आरोपींची घरे पेटवण्याचा प्रयत्न


शिरपूर (21 फेब्रुवारी 2025) : मैत्रिणीसाठी आलेल्या तरुणाला गावातील काहींनी मारहाण केल्याने त्याचा मृत्यू ओढवला व नंतर संशयीतांनी मृतदेह नाल्यात फेकला व तरुणासोबतच्या तिघांनाही मारहाण करीत हाकलून लावले. या प्रकारानंतर संतप्त जमावाने संशयीत आरोपींच्या घराला पेटवण्याचा प्रयत्न केला. ही धक्कादायक घटना शिरपूर तालुक्यातील कालापाणी येथे घडली.
कमलसिंग उदयसिंग वसावे (20) असे मृत तरुणाचे नाव आहे.

काय घडले नेमके ?
उमर्दा गावातील ओंकार रायमल पावरा (18) या तरुणाच्या तक्रारीनुसार, मैत्रिणींना भेटण्यासाठी ओंकारसोबत कमलसिंग दारासिंग वसावे, मंगेश उदयसिंग पावरा, कमलसिंग उदयसिंग पावरा असे चौघे मध्यरात्री कालापाणी येथे गेल्यानंतर संशयीत सुरलाल मसान्या पावरा, बाज्या ऊर्फ बाजीराव दुध्या पावरा, भिका ऊर्फ भुरलाल दुध्या पावरा, रिंगण्या दुधा पावरा, राज्या ऊर्फ राजेश दुधा पावरा, खातरसिंग रेल्या पावरा, मिथुन कैलास पावरा यांनी अडवत लाठ्या-काठ्यांनी मारहाण करत चौघांनाही डांबून ठेवले. यात कमलसिंग जखमी होवून पहाटे मृत झाला व नंतर आरोपींनी त्याचा मृतदेह नाल्यात फेकून देत अन्य मित्रांना हाकलून दिले.






आरोपींची घरे पेटवण्याचा प्रयत्न
उमर्देत घटनेची माहिती कळताच ग्रामस्थांनी गुरुवारी दुपारी कालापाणी गावात ील संशयीतांची घरे पेटवण्याचा प्रयत्न केला व कमलसिंगचा मृतदेह संशयित खातरसिंग पावराच्या घरासमोर आणून तेथेच अंत्यसंस्कार केले. यावेळी दोन संशयितांची घरे पेटवण्याचा प्रयत्न झाला.

दरम्यान, आरोपीच्या टोळीतील बाज्या ऊर्फ बाजीराव पावरा याला पोलिसांनी गुरुवारी ताब्यात घेतलेे आहे.



मेहनत कर, मेहनत ! कॉपी पेस्ट करू नको !