धुळ्यात चाकूच्या धाकावर लूट : दोघा आरोपींना स्थानिक गुन्हे शाखेकडून अटक
चोरीच्या मोबाईलसह दुचाकी जप्त : गुन्हे उघडकीस येण्याची शक्यता
Robbery at knifepoint in Dhule: Two accused arrested by local crime branch धुळे (28 फेब्रुवारी 2025) : रस्त्याने पायी चालणार्या इसमास चाकू दाखवत संशयीतांनी धूम स्टाईल मोबाईल लांबवला होती. या गुन्ह्याची उकल करण्यात धुळे गुन्हे शाखेला यश आले. दोघा आरोपींना अटक करण्यात आली असून त्यांच्याकडून लूटीतील मोबाईल, चाकू व गुन्ह्यात वापरलेली दुचाकी जप्त करण्यात आली.
पायी चालणार्या इसमाकडील मोबाईल लांबवला
मुंबई-आग्रा महामार्गावर पायी चालणार्या इसमाला चाकूचा धाक दाखवून 20 हजार रुपये किंमतीचा मोबाईल हिसकावून संशयीत दुचाकीवरून पसार झाले होते. गुन्हे शाखेने याप्रकरणी गौरव उर्फ भंडार्या लक्ष्मण अरदले (20, चितोड नाका, श्रीराम एसटीडीजवळ, धुळे) व अभय अशोक झोटे (23, संबोधी नगर, चितोड रोड, धुळे) यांना अटक केली. आरोपींकडून 20 हजार रुपये किंमतीचा मोबाईल, गुन्ह्यातील चाकू व 50 हजार रुपये किंमतीची अॅक्टीव्हा जप्त करण्यात आली.
यांनी आवळल्या मुसक्या
ही कारवाई धुळे पोलीस अधीक्षक श्रीकांत धीवरे, अपर पोलीस अधीक्षक किशोर काळे, धुळे स्थानिक गुन्हे शाखेचे वरिष्ठ पोलीस निरीक्षक श्रीराम पवार यांच्या मार्गदर्शनाखाली सहाय्यक पोलीस निरीक्षक श्रीकृष्ण पारधी, पोलीस उपनिरीक्षक अमरजीत मोरे, सहाय्यक उपनिरीक्षक संजय पाटील, श्याम निकम, पंकज खैरमोडे, धर्मेंद्र मोहिते, मुकेश वाघ, सुरेश भालेराव, शशिकांत देवरे, सुशील शेंडे, अमोल जाधव, राजीव गीते आदींच्या पथकाने केली.
