धुळ्यातील कुविख्यात घरफोड्या गुन्हे शाखेच्या जाळ्यात : 160 ग्रॅम सोने, 450 ग्रॅम चांदी जप्त
रामानंद हद्दीतील घरफोडीची उकल :आरोपीविरोधात अनेक गुन्हे
Notorious burglars in Dhule caught by Crime Branch: 160 grams of gold, 450 grams of silver seized जळगाव (3 मार्च 2025) : धुळे शहरातील अट्टल घरफोड्यास रामानंद पोलिसांनी अटक केली आहे. आरोपीच्या ताब्यातून 12 लाख 50 हजार रुपये किंमतीचे 159.92 ग्रॅम सोने व 450 ग्रॅम चांदीच्या दागिन्याने जप्त करण्यात आले. साहील प्रवीण झाल्टे उर्फ साहील शेख खलील शेख (20, रा.पश्चिम हुडको, चाळीसगांव रोड, पवन नगर धुळे) असे अटकेतील आरोपीचे नाव आहे.
बंद घरात झाली होती चोरी
पराग जगन्नाथ चौधरी यांच्या बंद घरातून 22 तोळे सोने व 450 ग्रॅम चांदीचे दागिने व रोख रक्कम 16 हजार 500 असा ऐवज गेल्यावर्षी ऑक्टोबर महिन्यात लांबवल्यानंतर रामानंदनगर पोलीस ठाण्यात गुन्हा दाखल होता. फुटेजच्या आधारे भुसावळ टोलनाका व पारोळा टोलनाक्यावरील सीसीटीव्ही फुटेज तपासल्यानंतर पारोळा टोल नाक्यावर संशयीत दिसून आाल.
आरोपीबाबत पारोळा, अमळनेर, धुळे या परिसरात माहितगार इसमांकडे विचारपूस केली असता त्याचे नाव साहिल प्रवीण झाल्टे व तो धुळ्यातील कुविख्यात गुन्हेगार असल्याचे निष्पन्न झाले. आरोपीला जळगाव स्थानिक गुन्हे शाखेच्या पथकाने जेरबंद करुन रामानंदनगर पोलीस स्टेशनच्या ताब्यात दिले.
अटकेतील आरोपीविरुद्ध वडनेर खाकुर्डी, पो.स्टे. तालुका मालेगांव आणि चाळीसगांव रोड पोलीस ठाण्यात गुन्हे दाखल आहेत. आरोपीने गुन्ह्यात साथीदार पवनराज संजय चौधरी (रा.हत्ती गल्ली, पारोळा), सागर वाल्मीक चौधरी (रा. आझाद चौक, पारोळा), केशव बाळु सोनार (रा.शाहु नगर, अमळनेर) असल्याचे सांगितल्यानंतर त्यांना अटक करण्यात आली. त्यांच्याकडून गुन्ह्यातील मुद्देमाल तसेच गुन्ह्यात वापरलेली मोटरसायकल आणि मोबाईल हस्तगत करण्यात आला. प्रथमवर्ग न्यायदंडाधिकारी जळगांव यांच्या आदेशाने चोरीचा हस्तगत मुद्देमाल फिर्यादीस परत करण्यात आला.
यांनी केली कारवाई
ही कारवाई रामानंद नगर पोलीस स्टेशनचे पोलीस निरीक्षक राजेंद्र गुंजाळ यांच्या मार्गदर्शनाखाली पोलीस उपनिरीक्षक प्रदीप बोरुडे, हवालदार जितेंद्र राजपुत, हवालदार इरफान मलिक, हवालदार सुशील चौधरी, हवालदार प्रवीण भोसले, नाईक देवानंद साळुखे, उमेश पवार, रवींद्र चौधरी, प्रवीण सुरवाडे आदींनी केली.
