धुळे गुन्हे शाखेची मोठी कारवाई : चोरीच्या आठ दुचाकींसह अट्टल चोरट्याला बेड्या
धुळे जिल्ह्यासह मुंबई भागातून दुचाकींची चोरी उघड ः संशयीत रेकॉर्डवरील आरोपी
Dhule Crime Branch takes major action : A persistent thief is arrested along with eight stolen two-wheelers धुळे (7 मार्च 2025) धुळे स्थानिक गुन्हे शाखेने अट्टल दुचाकीला चोरट्याला अटक करीत त्याच्याकडील सव्वा दोन लाख रुपये किंमतीच्या आठ दुचाकी जप्त करण्यात आल्या. गोपाल उर्फ भुर्‍या देविदास पाटील (38, रा.मोहाडी उपनगर, धुळे) असे अटकेतील आरोपीचे नाव आहे.
गोपनीय महितीवरून कारवाई
धुळे गुन्हे शाखेचे वरिष्ठ पोलीस निरीक्षक श्रीराम पवार यांना चोरट्याबाबत माहिती मिळाल्यानंतर त्यांनी पथकाला निर्देश दिले. अजय लॉन्स, देवपूर भागातून आरोपीला अटक करण्यात आली. आरोपीने आठ दुचाकी चोरीची कबुली दिली. धुळ्यातील चाळीसगाव रोड, देवपूर, शिरपूर, पंतनगर, मुंबई पोलीस ठाण्यातील चार दुचाकी चोरीचे गुन्हे उघडकीस आले असून अन्य चार दुचाकींबाबत पोलिसांकडून तपास सुरू आहे. आरोपी गोपाल पाटील हा सराईत गुन्हे असून त्याच्याविरोधात धुळे, मुंबई आणि छत्रपती संभाजीनगरच्या पोलीस ठाण्यांमध्ये चोरीसह घरफोडीचे दहा गुन्हे दाखल आहेत.
यांनी उघडकीस आणले गुन्हे
ही कारवाई धुळे पोलीस अधीक्षक श्रीकांत धीवरे, अपर पोलीस अधीक्षक किशोर काळे यांच्या मार्गदर्शनाखाली वरिष्ठ पोलीस निरीक्षक श्रीराम पवार यांच्या नेतृत्वाखाली सहायक पोलीस निरीक्षक श्रीकृष्ण पारधी, पोलीस हवालदार अमरजीत मोरे, पोलीस नाईक दिनेश परदेशी, चेतन बोरसे, प्रशांत चौधरी, हर्षल चौधरी, विनायक खैरनार, विवेक वाघमोडे, राजीव गीते आदींच्या पथकाने केली.
