धक्कादायक ! यावलच्या वकिलाची ट्रेडिंगच्या नावाखाली एक लाख दहा हजारांचा गंडा
Shocking! Yaval’s lawyer embezzled Rs 1 lakh 10 thousand under the guise of trading यावल (2 नोव्हेंबर 2025) : यावल शहरातील पंचवटी भागातील रहिवाशी एका 60 वर्षीय वकिलाची ट्रेडिंग प्लेटफॉर्मवर गुंतवणूक करण्याचे सांगून त्यातून चांगले रिटर्न मिळवून देण्याचे आमिष दाखवून अंकिता शर्मा नावाची बतावणी करून अज्ञात महिलेने एक लाख दहा हजारात फसवणूक केली. याप्रकरणी यावल पोलिसात गुन्हा दाखल करण्यात आला.
असे आहे फसवणूक प्रकरण
यावल शहरातील पंचवटी भागातील गांधी चौकात अॅड.राजेश प्रभाकर गडे (60) हे वकील राहतात. त्यांना 27 जुलै 2025 रोजी अंकिता शर्मा असे नाव सांगून एका महिलेने संपर्क साधला व ऑनलाईन ट्रेडिंग प्लॅटफॉर्ममध्ये गुंतवणूक करण्यास सांगून चांगले रिटर्न मिळवून देईल, अशी बतावणी करून त्यांची एक लाख दहा हजार रुपयात फसवणुक केली. याप्रकरणी यावल पोलिसात गुन्हा दाखल करण्यात आला. तपास पोलिस निरीक्षक रंगनाथ धारबळे करीत आहे.
