भुसावळातील प्रभाग क्रमांक एकमधील शिंदे गटाचे उमेदवार अमोल इंगळे व ज्योती सोयंकेंची प्रचार रॅली
भुसावळ (23 नोव्हेंबर 2025) : भुसावळ नगरपालिका निवडणुकीतील शहरातील प्रभाग क्रमांक एकमधील शिवसेना एकनाथ शिंदे गटाचे उमेदवार व माजी नगरसेवक अमोल इंगळे यांच्यासह ज्योती लक्ष्मण सोयंके यांनी प्रभाग क्रमांक एकमध्ये प्रचारात वेग घेतला आहे. निष्ठावान कार्यकर्त्यांच्या रविवारी सायंकाळी ओम पार्क परिसरातील नागरिकांच्या दारी जावून उमेदवारांनी त्यांची भेट घेतली तसेच त्यांच्या समस्या जाणून घेतल्या. मतदारांनी संधी दिल्यास निश्चितपणे समस्या सोडवण्याची ग्वाही यावेळी उमेदवारांनी दिली. ठिकठिकाणी उमेदवारांचे स्वागत करण्यात आले.
प्रभागाचा चेहरा-मोहरा बदलणार
शिंदे गटाचे उमेदवार अमोल इंगळे व ज्योती सोयंके यांनी मतदारांनी संधी दिल्यास निश्चितपणे नागरिकांच्या समस्या सोडवू, अशी ग्वाही दिली आहे शिवाय निश्चितपणे आम्हाला या निवडणुकीत यश मिळेल यात कोणतीही शंका नसल्याचे सांगितले आहे.
मतदारांनी संधी दिल्यास निश्चितपणे आम्ही प्रभागाचा चेहरा-मोहरा बदलवू तसेच मूलभूत सेवा-सुविधा पुरवण्यावर आमचा भर असेल, असे दोन्ही उमेदवारांनी यावेळी सांगितले.
कॉर्नर मिटिंग, प्रत्यक्ष मतदारांच्या गाठीभेटी
शिंदे गटातील उमेदवार अमोल इंगळे व ज्योती सोयंके यांनी रविवारी सायंकाळी प्रभाग एकमधील ओम पार्क परिसरातील मतदारांच्या गाठी-भेटी घेतल्या. यावेळी मोठ्या प्रमाणावर निष्ठावान पुरूष व महिला कार्यकर्ते सहभागी झाले. यावेळी मतदारांचे काही प्रश्नही उमेदवारांनी ऐकून घेतले व संधी दिल्यानंतर समस्यांचे निराकरण करण्याची ग्वाही दिली.
