भुसावळात आज राष्ट्रवादी उमेदवारांच्या प्रचारार्थ आमदार सना मलिक यांची जाहीर सभा
भुसावळ (27 नोव्हेंबर 2025) : भुसावळ नगरपालिका निवडणुकीच्या रिंगणात राष्ट्रवादी अजित पवार गटाने स्वतंत्र लढत देत निवडणुकीत चुरस निर्माण केली आहे. भुसावळ पालिका निवडणुकीच्या रिंगणातील राष्ट्रवादी अजित पवार गटातील उमेदवारांच्या प्रचारार्थ आमदार सना मलिक व युवा नेते सुरज चव्हाण यांची जाहीर सभा खडका रोडवर गुरुवार, 27 रोजी सायंकाळी सात वाजता होणार आहे.
सभेकडे लागले लक्ष
आमदार सना मलिक व युवा नेते सुरज चव्हाण हे राष्ट्रवादीचे नेते राष्ट्रवादीच्या नगराध्यक्ष पदाच्या उमेदवार अर्शिया मुक्तार अन्सारी यांच्यासह पालिका निवडणुकीच्या आखाड्यातील नगरसेवक पदासाठी ईच्छूक उमेदवारांच्या प्रचारार्थ शहरात गुरुवारी सभा घेत आहेत. हे नेते कुणावर आगपाखड करतात शिवाय काय व्हीजन मांडतात याकडे? शहराचे लक्ष लागले आहे. सभेला मोठ्या संख्येने उपस्थिती द्यावी, असे आवाहन जिल्हाध्यक्ष उमेश नेमाडे यांनी केले आहे.
