डोअर टू डोअर प्रचारातून भुसावळातील प्रभाग क्रमांक 9 मधील राष्ट्रवादीच्या उमेदवार ममता डागोर मांडताय विकासाचे व्हिजन
भुसावळ (27 नोव्हेंबर 2025) : भुसावळ शहरातील प्रभाग क्रमांक 9 ब मधील राष्ट्रवादी अजित पवार गटाच्या उमेदवार ममता अजय डागोर यांच्यासह त्यांचे पती समाजसेवक अजय कुमार डागोर, कार्यकर्त प्रभागातील मतदारांच्या प्रत्यक्ष दारी जावून त्यांच्याशी संवाद साधत आहेत. मतदारांनी संधी दिल्यास निश्चितपणे प्रभागाचा चौफेर विकास करू, अशी ग्वाही उमेदवार ममता डागोर यांनी व्यक्त केला आहे.
संपूर्ण प्रभाग पिंजून काढला
राष्ट्रवादी अजित पवार गटातील उमेदवार ममता डागोर व त्यांच्या समर्थकांनी संपूर्ण प्रभाग 9 पिंजून काढला आहे. या प्रभागातील महात्मा फुले नगर, काशीराम नगर, भारत नगर भागात प्रत्येक मतदाराच्या दारी उमेदवारसह कार्यकर्ते समस्या जाणून घेवून संधी मिळाल्यानंतर प्रत्येक समस्यांचे निराकरण करण्याची ग्वाही देत आहेत.
या भागात प्रचार दौरा
राष्ट्रवादी अजित पवार गटाच्या उमेदवार ममता डागोर यांच्या प्रचारार्थ महात्मा फुले नगर, काशीराम नगर, भारत नगर भागात कार्यकर्त्यांनी नुकतीच प्रचार फेरी काढली. यावेळी रंजीत महाराज कच्छवे, कैलास मट्टू, नितीन करोसिया, किरण सरपटे, दीपक कच्छवे व पदाधिकारी व कार्यकर्ते सहभागी झाले. यावेळी उमेदवाराचे पती अजय डागोर व कार्यकत्यांनी देखील प्रभागातील मतदारांच्या गाठीभेटी घेवून त्यांच्या हितगुज साधून विकासाचे व्हिजन मांडत आहेत.
