भुसावळकरांनी संधी दिल्यास शहराचा चौफेर विकास करणार : काँग्रेस उमेदवार सविता सुरवाडे
भुसावळ (27 नोव्हेंबर 2025) : भुसावळ शहर विकासाचा ध्यास असून काही प्रलंबित प्रश्न संधी मिळाल्यानंतर निश्चितपणे आपण सोडवू तसेच शहराचा चौफेर विकासाचे व्हिजन असून या निवडणुकीत निश्चितपणे आपलाच विजय होईल, असा विश्वास भारतीय राष्ट्रीय काँग्रेसच्या नगराध्यक्ष पदाच्या उमेदवार सविता प्रवीण सुरवाडे यांनी व्यक्त केला.
भुसावळच्या विकासाला देणार गती
सविता सुरवाडे यांनी शहरातील विविध भागात प्रचार चालवला असून जनतेच्या समस्या त्या जाणून घेत आहेत शिवाय संधी मिळाल्यानंतर त्या सोडवण्याची ग्वाही देत आहेत. उच्च शिक्षीत उमेदवार सुरवाडे म्हणाल्या की, गेल्या अनेक वर्षांपासून शहराचा विकास ठप्प झाला आहे मात्र आपल्याला संधी मिळाल्यास निश्चितपणे विकासाला आपण गती देवू तसेच महत्त्वाचा असलेला पाणी प्रश्न मार्गी लावू. यावेळी उमेदवाराचे पती अॅड.प्रवीण सुरवाडे तसेच कार्यकर्ते उपस्थित होते.
