भुसावळात काँग्रेस उमेदवार सविता सुरवाडे यांच्या प्रचारार्थ प्रभाग 15 मध्ये प्रचार रॅली
भुसावळ (28 नोव्हेंबर 2025) : भुसावळातील भारतीय राष्ट्रीय काँग्रेसच्या नगराध्यक्ष पदाच्या उमेदवार सविता प्रवीण सुरवाडे यांच्या प्रचारार्थ शहरातील प्रभाग क्रमांक 15 मध्ये शुक्रवारी प्रचार रॅली काढण्यात आली. यावेळी शहराच्या विकासाचे व्हिजन उमेदवारासह समर्थकांनी मांडले. प्रचार रॅलीचे सर्वत्र स्वागत करण्यात आले.
भुसावळच्या विकासाला देणार गती
सविता सुरवाडे यांनी शहरातील विविध भागात प्रचार चालवला असून जनतेच्या समस्या त्या जाणून घेत आहेत शिवाय संधी मिळाल्यानंतर त्या सोडवण्याची ग्वाही देत आहेत. उच्च शिक्षीत उमेदवार सुरवाडे म्हणाल्या की, गेल्या अनेक वर्षांपासून शहराचा विकास ठप्प झाला आहे मात्र आपल्याला संधी मिळाल्यास निश्चितपणे विकासाला आपण गती देवू तसेच महत्त्वाचा असलेला पाणी प्रश्न मार्गी लावू. यावेळी उमेदवाराचे पती अॅड.प्रवीण सुरवाडे तसेच कार्यकर्ते तसेच प्रभाग क्रमांक 15 अ व ब चे उमेदवार उपस्थित होते.
