मुक्ताईनगरात भाजपाच्या उमेदवारांचाच विजय होणार : केंद्रीय राज्य मंत्री रक्षा खडसे
मुक्ताईनगर (29 नोव्हेंबर 2025) : मुक्ताईनगर नगरपंचायत निवडणुकीतील भाजपा उमेदवारांच्या प्रचारार्थ शहरातील प्रभाग सहा व सात मध्ये केंद्रीय राज्यमंत्री रक्षा खडसे यांची कॉर्नर बैठक व प्रचार रॅली निघाली. यावेळी भाजपाच्या उमेदवारांचा निश्चितपणे या निवडणुकीत विजय होईल, असा विश्वास खडसे यांनी व्यक्त केला.
प्रचार रॅलीला प्रतिसाद
मुक्ताईनगरात भाजपातर्फे नगराध्यक्ष पदासाठी भावना ललित महाजन तर नगरसेवक पदासाठी प्रभाग क्रमांक सहामधून सुनीता प्रमोद भालेराव व प्रभाग सातमधून छाया संजीव पालवे यांच्या प्रचारार्थ केंद्रीय राज्य मंत्री रक्षा खडसे यांनी कॉर्नर बैठक घेतली तसेच प्रचार रॅली काढत भाजपा उमेदवारांना बहुसंख्य मतांनी निवडून देण्याचे प्रभागातील मतदारांना आवाहन केले.
