भुसावळातील प्रभाग एकचा सर्वांगीण विकास हाच ध्यास : शिंदे गटाचे उमेदवार अमोल इंगळे व ज्योती सोयंकेंचा निर्धार
भुसावळ (29 नोव्हेंबर 2025) : भुसावळ शहरातील प्रभाग क्रमांक एकचा विकास हाच ध्यास घेवून निवडणूक रिंगणात उतरलो आहोत व संधी मिळाल्यानंतर या प्रभागाचा परिपूर्ण विकास झाल्याशिवाय राहणार नाही, असा आशावाद शहरातील प्रभाग क्रमांक एकमधील शिवसेना एकनाथ शिंदे गटाचे उमेदवार व माजी नगरसेवक अमोल इंगळे यांच्यासह ज्योती लक्ष्मण सोयंके यांनी व्यक्त केला.
प्रचार रॅलीचे उत्स्फूर्त स्वागत
प्रभाग क्रमांक एकमध्ये शिंदे गटाच्या उमेदवारांनी प्रचारात वेग घेतला आहे. निष्ठावान कार्यकर्त्यांसोबत दोन्ही उमेदवार हाता होम टू होम प्रचार करीत असून त्यांच्या माध्यमातून नागरिकांच्या समस्या जाणून घेतल्या जात आहे शिवाय मतदारांनी संधी दिल्यास निश्चितपणे समस्या सोडवण्यात येतील, अशी ग्वाही देखील दिली जात आहे. प्रचाराला वाढता प्रतिसाद पाहून कार्यकर्त्यांचा उत्साह वाढला आहे शिवाय जनतेतून उमेदवारांचे उत्स्फूर्तपणे स्वागत केले जात आहे.
प्रभागाचा चेहरा-मोहरा बदलणार
शिंदे गटाचे उमेदवार अमोल इंगळे व ज्योती सोयंके यांनी मतदारांनी संधी दिल्यास निश्चितपणे नागरिकांच्या समस्या सोडवू, अशी ग्वाही दिली आहे शिवाय निश्चितपणे आम्हाला या निवडणुकीत यश मिळेल, असा आशावादही व्यक्त केला आहे.
कॉर्नर मिटिंग, प्रत्यक्ष मतदारांच्या गाठीभेटी
शिंदे गटातील उमेदवार अमोल इंगळे व ज्योती सोयंके यांनी शनिवार, 29 रोजी प्रभाग एकमधील विविध भागात मतदारांच्या गाठी-भेटी घेतल्या. यावेळी मोठ्या प्रमाणावर निष्ठावान पुरूष व महिला कार्यकर्ते सहभागी झाले. यावेळी मतदारांचे काही प्रश्नही उमेदवारांनी ऐकून घेतले व संधी दिल्यानंतर समस्यांचे निराकरण करण्याची ग्वाही दिली.
