भुसावळातील राष्ट्रवादीच्या उमेदवार ममता डागोर यांच्या प्रचारार्थ आज भव्य प्रचार रॅली
भुसावळ (30 नोव्हेंबर 2025) : भुसावळातील राष्ट्रवादी अजित पवार गटाच्या प्रभाग नऊ ब मधील उमेदवार ममता अजय डागोर यांच्या प्रचारार्थ रविवार, 30 रोजी सकाळी 11 वाजता वीर गोगादेव नगर, आठ खोलीपासून भव्य प्रचार रॅली निघणार आहे.
राष्ट्रवादी उमेदवाराचा प्रत्येक मतदारांपर्यंत संवाद
भुसावळातील प्रभाग नऊ ब मधून राष्ट्रवादी अजित पवार गटाने ममता अजय डागोर यांना उमेदवारी दिली आहे. प्रभागाचा विकास ध्यास घेवून आपण निवडणूक रिंगणात असून संधी मिळाल्यास प्रभागातील रस्ते, गटारी, ढापे तसेच पथदिव्यांचा प्रश्न आपण मार्गी लावू तसेच गरजूंना शासन योजनेतून घरकुल मिळवून देण्यासाठी आपण प्रयत्न करू, अशी ग्वाही उमेदवार ममता डागोर यांनी दिली. प्रभागातील प्रत्येक मतदारापर्यंत त्या पोहोचल्या असून कार्यकर्ते देखील डोअर टू डोअर जावून विकासाचे व्हिजन सांगत आहेत.
आज भव्य शक्ती प्रदर्शन रॅली
उमेदवार ममता डागोर यांच्या प्रचारार्थ रविवार, 30 रोजी वीर गोगादेव नगर, आठ खोली भागातून सकाळी 11 वाजता उमेदवार ममता डागोर यांच्या प्रचारार्थ भव्य रॅली निघणार आहे. राष्ट्रवादी अजित पवार गटातील पदाधिकार्‍यांसह कार्यकर्ते तसेच नागरिकांनी सहभाग नोंदवावा, असे आवाहन अजय कुमार डागोर, आकाश डागोर व आयोजकांनी केले आहे.
