वस्त्रोद्योग मंत्री संजय सावकारे यांची आज प्रभाग 14 मध्ये जाहीर सभा
नगरसेवकपदाचे उमेदवार राजेंद्र आवटे व अंकिता खोले-पाटील यांच्या प्रचारार्थ सभा
भुसावळ (30 नोव्हेंबर 2025) : वस्त्रोद्योग मंत्री संजय सावकारे यांची जाहीर सभा प्रभाग क्रमांक 14 मधील गडकरी नगर, रिंग रोड श्रीराम चौक हिंगणे यांच्या घराजवळ, प्रेरणा मंडळ समोर रविवार, 30 रोजी सायंकाळी सात वाजता होत आहे. नगरपालिका निवडणुकीतील प्रभाग क्रमांक 14 अ मधून राजेंद्र दत्तात्रय आवटे तर प्रभाग क्रमांक 14 मधून अंकिता खोले-पाटील उभ्या असून भाजपातर्फे नगराध्यक्ष पदाच्या उमेदवार सौ.रजनीताई संजय सावकारे यांच्या प्रचारार्थ ही सभा होत आहे.
सभेकडे लागले लक्ष
मंत्री संजय सावकारे आपल्या भाषणात विरोधकांच्या टीकेचा समाचार घेणार असून या सभेकडे या प्रभागातील नागरिकांचे लक्ष लागले आहे. सभेला नागरिकांनी मोठ्या संख्येने उपस्थिती द्यावी, असे आवाहन भाजयुमो शहराध्यक्ष गौरव आवटे, खजिनदार मनीष सारंगधर पाटील आदींसह भाजपातर्फे करण्यात आले आहे.





