भुसावळातील प्रभाग क्रमांक नऊमधून ममता डागोर प्रचंड मतांनी विजयी होणार : राष्ट्रवादी जिल्हाध्यक्ष उमेश नेमाडे
भुसावळ (30 नोव्हेंबर 2025) : भुसावळातील राष्ट्रवादी अजित पवार गटाच्या प्रभाग नऊ ब मधील उमेदवार ममता अजय डागोर या प्रचंड मतांनी प्रभागातून विजयी होतील यात आम्हाला कुठलीही शंका नसल्याचे राष्ट्रवादी अजित पवार गटाचे जिल्हाध्यक्ष उमेश नेमाडे म्हणाले. उमेदवार ममता डागोर यांच्या प्रचारार्थ रविवार, 30 रोजी सकाळी 11 वाजता वीर गोगादेव नगर, आठ खोलीपासून भव्य प्रचार रॅली निघाली. रॅलीचे नेतृत्व नेमाडे यांनी केले. माध्यमांशी संवाद साधताना नेमाडे यांनी उमेदवार विजयी होणार असल्याचा विश्वास व्यक्त केला.
राष्ट्रवादी उमेदवाराचा प्रत्येक मतदारांपर्यंत संवाद
याप्रसंगी जिल्हाध्यक्ष उमेश नेमाडे म्हणाले की, उमेदवार ममता डागोर यांचा प्रभागातील प्रत्येक जनतेशी संवाद असून त्यांच्या कार्याची दखल घेत जनता त्यांना प्रचंड मतांनी निवडून देईल, यात आम्हाला कुठलीही शंका नाही. अजय डागोर व त्यांच्या परिवाराचे सामाजिक कार्य मोठ्या प्रमाणावर असल्याने जनतेची त्यांना निश्चितपणे साथ लाभेल, असा विश्वास त्यांनी व्यक्त केला. प्रचार रॅली प्रसंगी उमेदवार ममता अजय डागोर, समाजसेवक अजय कुमार डागोर आदी उपस्थित होते.
