मुक्ताईनगर नगरपंचायतीत भाजपा उमेदवारांना विजयी करा : केंद्रीय राज्यमंत्री रक्षा खडसेंचे प्रचार रॅलीद्वारे आवाहन
मुक्ताईनगर (30 नोव्हेंबर 2025) : मुक्ताईनगर नगरपंचायत निवडणुकीतील भाजपाच्या अधिकृत उमेदवारांना निवडून देण्याचे आवाहन प्रभाग क्र.12, 15 व 13, 17 मध्ये केंद्रीय राज्यमंत्री रक्षा खडसे यांनी केले. नगराध्यक्ष पदाच्या उमेदवारासह नगरसेवक पदावरील उमेदवारांच्या विजयासाठी कॉर्नर बैठक तसेच प्रचार रॅली काढण्यात आली.
प्रभाग 12 व 15 कॉर्नर बैठक व प्रचार रॅली
नगराध्यक्ष पदाच्या भाजपाच्या उमेदवार सौ.भावना ललित महाजन तसेच नगरसेवक पदाचे प्रभाग 12 मधील उमेदवार सौ. माधुरी सचिन पाटील व प्रभाग क्र.15 मधील सौ.शीतल लक्ष्मण सापधरे यांच्या प्रचारार्थ केंद्रीय राज्यमंत्री रक्षा खडसे यांची कॉर्नर सभा झाली. यावेळी मतदारांना आवाहन करताना केंद्रीय मंत्री रक्षा खडसे यांनी विकासकामांना प्राधान्य राहणार असल्याचे सांगत भाजपा पदाधिकार्यांना निवडून देण्याचे आवाहन केले.
प्रभाग 13 व 17 मध्ये कॉर्नर सभा
भाजपाच्या नगराध्यक्ष पदाच्य उमेदवार सौ.भावना ललित महाजन तसेच प्रभाग 13 मधील उमेदवार पंकज अविनाश सरोदे व प्रभाग क्र.17 मधील भाजपा उमेदवार सौ.अनुसयाबाई सुपडा चिंचोले यांच्या प्रचारार्थ केंद्रीय राज्यमंत्री रक्षा खडसे यांची प्रचार सभा झाली. यावेळी भाजपा उमेदवारांना मोठ्या मताधिक्क्याने निवडून देण्याचे मंत्री खडसे यांनी केले.
