भुसावळातील प्रभाग 24 मधील राष्ट्रवादीच्या उमेदवार सुषमा नेमाडे यांच्या प्रचारार्थ उद्या रॅली
भुसावळ (30 नोव्हेंबर 2025) : भुसावळ नगरपालिका निवडणूक रिंगणातील राष्ट्रवादी अजित पवार गटातील प्रभाग 24 ब मधील उमेदवार सुषमा नेमाडे यांच्या प्रचारार्थ शहरातील सुरभी नगरातील संपर्क कार्यालयापासून सोमवार, 30 रोजी दुपारी चार वाजता भव्य प्रचार रॅली काढण्यात येणार आहे. या रॅलीत कार्यकर्त्यांनी मोठ्या संख्येने सहभागी व्हावे, असे आवाहन जिल्हाध्यक्ष उमेश नेमाडे यांनी केले आहे.
सुषमा नेमाडे यांचाच विजय होणार : कार्यकर्त्यांचा विश्वास
नगरपालिका निवडणुकीनिमित्त उमेदवार सुषमा नेमाडे यांनी प्रभागातील प्रत्येक नागरिकाशी डोअर टू डोअर संपर्क करीत प्रचार वाढवला आहे. नागरिकांचा उत्स्फूर्त प्रतिसाद पाहून या निवडणुकीत जनमताचा कौल सुषमा नेमाडे यांनाच मिळेल, असा विश्वास कार्यकर्ते व्यक्त करीत आहेत.
प्रभागाचा सर्वांगीण विकास हाच आपला ध्यास असून जनमताचा कौल निश्चितपणे आपल्या बाजूने असेल, असा आशावाद सुषमा उमेश नेमाडे यांनी यावेळी बोलताना व्यक्त केला.
प्रचार रॅलीतून मतदारांशी संवाद
राष्ट्रवादी अजित पवार गटाचे जिल्हाध्यक्ष उमेश नेमाडे यांच्या सौभाग्यवती असलेल्या व अनुभवी म्हणून काम केलेल्या माजी नगरसेविका सुषमा उमेश नेमाडे या डोअर टू डोअर प्रभागातील मतदारांशी संवाद साधून त्यांच्या समस्या जाणत आहेत शिवाय संधी मिळाल्यांतर या समस्या सोडवण्याची ग्वाहीदेखील देत आहेत.
उद्या, सोमवारी भव्य प्रचार रॅली
उमेदवार सुषमा नेमाडे यांच्या प्रचारार्थ सुरभी नगरातील प्रचार कार्यालयापासून सोमवार, 30 रोजी दुपारी चार वाजता भव्य प्रचार रॅली निघणार आहे. या रॅलीत पक्षाच्या सर्व पदाधिकारी व कार्यकर्त्यांनी सहभागी व्हावे, असे आवाहन पक्षाचे जिल्हाध्यक्ष उमेश नेमाडे तसेच राष्ट्रवादीच्या कार्यकर्त्यांनी केले आहे.
