भुसावळातील प्रभाग नऊमधून ममता डागोर यांचा विजय निश्चित : प्रचार रॅलीतील उत्स्फूर्त प्रतिसाद पाहून कार्यकर्त्यांचा विश्वास
भुसावळ (30 नोव्हेंबर 2025) : ढोल-ताशांचा लयबद्ध गजर, प्रत्येक कार्यकर्त्याच्या हाती राष्ट्रवादीचा ध्वज, उमेदवार ममता डागोर यांच्यासह त्यांचे पती अजय कुमार डागोर यांचे कट आऊट घेवून अत्यंत शिस्तबद्धरित्या भुसावळातील प्रभाग क्रमांक नऊ मधून रविवार, 30 रोजी सकाळी 11 वाजता भव्य प्रचार रॅली काढण्यात आली. प्रचार रॅलीचे संपूर्ण प्रभागातील मतदारांकडून उत्स्फूर्तपणे स्वागत करण्यात आले. प्रचार रॅलीतील गर्दी व प्रतिसाद पाहून कार्यकर्त्यांनी निवडणुकीत ममता डागोरच बाजी मारणार असल्याचा यावेळी विश्वास व्यक्त केला.
भव्य प्रचार रॅलीने वेधले लक्ष
भुसावळातील राष्ट्रवादी अजित पवार गटाच्या प्रभाग नऊ ब मधील उमेदवार ममता अजय डागोर यांच्या प्रचारार्थ रविवार, 30 रोजी सकाळी 11 वाजता वीर गोगादेव नगर, आठ खोलीपासून भव्य प्रचार रॅली काढण्यात आली. या रॅलीत पक्षाचे जिल्हाध्यक्ष उमेश नेमाडे अग्रभागी होते. प्रचार रॅलीतील गर्दी व डागोर परिवाराचे सामाजिक कार्य पाहता या प्रभागातून निश्चितपणे ममता डागोर या विजयी होतील, असा विश्वास त्यांनी व्यक्त केला.
मतदारांकडून रॅलीचे स्वागत
उमेदवार ममता डागोर यांच्यासह समाजसेवक अजय कुमार डागोर यांनी रॅलीदरम्यान प्रभागातील मतदारांशी हितगुजही केले. यावेळी प्रचार रॅलीचे मतदारांकडूनही उत्स्फूर्तपणे स्वागत करण्यात आली. रॅलीतील मोठी गर्दी व प्रतिसाद पाहून कार्यकर्त्यांनी ममता डागोर या निवडणुकीत निश्चितपणे विजयी होतील, असा आशावाद यावेळी व्यक्त केला.
यांचा प्रचार रॅलीत सहभाग
प्रचार रॅलीत उमेदवार सौ.ममता अजय डागोर यांच्यासह त्यांचे पती अजयकुमार डागोर, आकाश डागोर, नितीन करोसिया, दीपक कछवे, कैलास मट्टू, उमेश लख्खन, रंजीत कछवे, दुर्गेश चावरीया, देवेंद्र करोसिया, मिथून खरारे, विनोद नरवाडे, जय पथरोड, अजय थनवार, गणेश चव्हाण, रुद्र खरारे, आदित्य खोबरे, दिनेश अभंगे, अशोक डागोर, रेखाबाई करोसिया, शोभाबाई मट्टू, रोहिणी खरारे, सीमा करोसिया, रेखाबाई करोसिया, बीनाबाई करोसिया, सारीकाबाई करोसिया यांच्यासह प्रभागातील नागरिकांची उपस्थिती होती.
