आमच्यावर घराणेशाहीचा आरोप करणार्यांनी मात्र घरातच उमेदवारी दिली : मंत्री रक्षा खडसेंची मुक्ताईनगरात टीका
टीकेऐवजी विरोधकांना विकासकामांची स्पर्धा करण्याचे आव्हान
मुक्ताईनगर (30 नोव्हेंबर 2025) : आमच्यावर सातत्याने घराणेशाहीचा आरोप करणार्यांनी मात्र कार्यकर्त्याऐवजी स्वतःच्या मुलीला उमेदवारी दिली. खरे तर आमच्या परिस्थितीमुळे आम्ही राजकारणात आलो आहोत असून लोकांमध्येही जात असून विकासकामे करीत आहोत. विरोधकांनी आमच्यावर टीका करण्याऐवजी विकासकामांची स्पर्धा करावी, असे थेट आव्हान मंत्री रक्षा खडसे यांनी येथे दिले. नगरपंचायत निवडणुकीतील भाजपा उमेदवारांच्या प्रचारार्थ जेडीसीसी बँकेजवळ रविवार, 30 रोजी दुपारी त्यांची जाहीर सभा झाली. यावेळी त्या बोलत होत्या.
मग तुमची घराणेशाही नाही का?
मंत्री खडसे म्हणाल्या की, आमच्यावर सातत्याने घराणेशाहीचा आरोप करण्यात आला मात्र त्यांनी तर कार्यकर्त्याऐवजी स्वतःच्या मुलीला उमेदवारी दिली मग ही घराणेशाही नाही का? असा प्रश्न मंत्री खडसेंनी उपस्थित केला. भाजपाने निवडणुकीत पॅनल उभे केल्यास प्रचार सभा घेण्याचा शब्द मंत्री पंकजा मुंडे यांनी शब्द पूर्ण केल्याचे त्यांनी सांगितले. आपण सारे स्व.गोपनाथ मुंडे साहेबांचे कार्यकर्ते असल्याचे सांगून प्रथमच नगरपंचायत झाल्यानंतर नजमा तडवी यांना भाजपाने संधी दिल्याचे मंत्री खडसे म्हणाल्या.
यांची व्यासपीठावर उपस्थिती
व्यासपीठावर पर्यावरण मंत्री पंकजा मुंडे, भाजपा जिल्हाध्यक्ष चंद्रकांत बाविस्कर, डॉ.राजेंद्र फडके, नंदकिशोर महाजन, अशोक कांडेलकर, डॉ.केतकी पाटील, मधुकर राणे, तालुकाध्यक्ष जयपाल बोदडे, नजमा तडवी, मोहन महाजन, असगर खान पठाण, मनोहर खैरनार, विनोद पाटील, राजेंद्र सवळे, चंद्रकांत भोलाणे, अतुल महाजन, पंकज कोळी, उमेश कोळी यांच्यासह भाजपा पदाधिकारी व परिसरातील कार्यकर्ते मोठ्या संख्येने उपस्थित होते.
