घरफोड्यांचे सत्र थांबेना : भुसावळात समृद्धी हाइट्स परिसरात बंद प्लॅटमध्ये धाडसी घरफोडी
भुसावळ (13 मे 2026) : भुसावळ शहरातील समृद्धी हाइट्स परिसरात अज्ञात चोरट्यांनी बंद फ्लॅट फोडून दीड लाखांहून अधिक किंमतीचे सोन्या-चांदीचे दागिने लंपास केले. याप्रकरणी भुसावळ पोलिसात घरफोडीचा गुन्हा दाखल करण्यात आला.
बंद घर चोरट्यांना पर्वणी
फिर्यादी दिलीप रणविजय गुप्ता (55) हे आपल्या नातेवाईकांच्या लग्नासाठी बाहेरगावी गेले होते. 1 मे ते 11 मे दरम्यान त्यांचा फ्लॅट बंद होता. याच संधीचा फायदा घेत अज्ञात चोरट्यांनी घराच्या दरवाजाचे लॉक तोडून आत प्रवेश केला.
