भुसावळातील सेवानिवृत्त प्राचार्य डॉ.दिलीपकुमार ललवाणी यांचा कर्मभूमीत विशेष सन्मान

याशिवाय अनेक महाविद्यालयांना पुस्तके भेट देणे, विविध सामाजिक व शैक्षणिक संस्थांना मदतीच्या माध्यमातून सहकार्य करणे आणि दानशूर व्यक्ती म्हणून समाजोपयोगी उपक्रमांना हातभार लावणे, अशा विविध माध्यमांतून त्यांनी सामाजिक बांधिलकी जपली आहे. निगर्वी स्वभाव, संघर्षमय जीवनप्रवास आणि अनेक संकटांवर मात करून समाजसेवेचा घेतलेला वसा यामुळे त्यांचे व्यक्तिमत्त्व प्रेरणादायी असल्याचे मत यावेळी मान्यवरांनी व्यक्त केले.

जीवन प्रवासावर टाकला प्रकाश
कार्यक्रमाचे बहारदार सूत्रसंचालन प्रा.डॉ.नरेंद्र महाले यांनी करतानाच सेवानिवृत्त प्राचार्य प्रा.डॉ.ललवाणी यांच्या कार्याचा गौरवपूर्ण उल्लेख करत त्यांच्या जीवनप्रवासावर प्रकाश टाकला. शिक्षण, गोसेवा, सामाजिक कार्य, दानशूर वृत्ती आणि पर्यटन क्षेत्रातील त्यांचे योगदान समाजासाठी प्रेरणादायी असल्याचे व ते महाराष्ट्रातील ऐकटेच प्राध्यापक आहेत की. त्यांनी तितकी वर्ष सेवा केली तेवढ्या म्हणजे 32 विद्यार्थिनींची माहीती आपल्या घरट्यातुन आकाशाकडे या पुस्तकातुन दिली, असे त्यांनी नमूद केले.

यांची होती उपस्थिती
यावेळी महाराष्ट्राचे वस्त्रोद्योग मंत्री संजय सावकारे, भुसावळचे पोलीस उपअधीक्षक केदार बारबोले, यावलच्या नगराध्यक्षा छाया पाटील, राष्ट्रवादी काँग्रेस (अजित पवार गट)चे जिल्हाध्यक्ष उमेश नेमाडे, प्रतिष्ठा महिला मंडळाच्या अध्यक्षा रजनी सावकारे, यावलचे नगरसेवक अतुल पाटील, भुसावळचे शिक्षण सभापती राजेंद्र आवटे, परीक्षीत बर्‍हाटे, पुरुषोत्तम नारखेडे, साप्ताहिक भुसावळ जंक्शनचे संपादक गणेश वाघ, बालभारतीच्या मराठी भाषा अभ्यास मंडळाचे सदस्य डॉ.जगदीश पाटील आदी मान्यवर उपस्थित होते. मान्यवरांच्या हस्ते प्रा.डॉ.ललवाणी यांना विशेष सन्मानचिन्ह प्रदान करून गौरविण्यात आले.

निवृत्त शिक्षक प्रमोद आठवले यांनीही आपल्या मनोगतातून प्रा. डॉ. ललवाणी यांच्या कार्याचा आवर्जून उल्लेख केला. त्यांच्या कार्यातील सातत्य, सामाजिक जाणिव आणि समाजासाठी काहीतरी देण्याची वृत्ती यांचे त्यांनी कौतुक केले.

सन्मानाला उत्तर देताना प्रा.डॉ.डी.एम.ललवाणी यांनी ‘भुसावळ जंक्शन’ या साप्ताहिकाच्या पुढील वाटचालीस शुभेच्छा दिल्या. डिजिटल माध्यमाने आज व्यापलेले व्यापक क्षेत्र, बदलते माध्यमविश्व आणि प्रिंट मीडियामध्ये साप्ताहिकाच्या माध्यमातून प्रवेश करण्याचे महत्त्व याविषयी त्यांनी मनोगत व्यक्त केले. साप्ताहिकाचे संपादक गणेश वाघ यांच्या अथक परिश्रमांचे कौतुक केले.

कर्मभूमीतील सन्मान विशेष आनंदाचा : प्रा.डॉ.दिलीप ललवाणी
आजपर्यंत अनेक संस्था आणि संघटनांनी माझा गौरव केला आहे मात्र ज्या भुसावळ शहराला मी माझी कर्मभूमी मानतो, त्याच कर्मभूमीत माध्यम क्षेत्राच्या वतीने झालेला हा सन्मान माझ्यासाठी विशेष आनंदाचा आणि समाधानाचा आहे, अशा भावना प्रा. डॉ. ललवाणी यांनी व्यक्त करत आयोजक व उपस्थित मान्यवरांचे आभार मानले.

प्रा. डॉ. डी. एम. ललवाणी यांच्या या विशेष सन्मानाबद्दल त्यांचे हितचिंतक, मित्रपरिवार, आप्तस्वकीय व नातलगांकडून अभिनंदनाचा वर्षाव होत आहे. त्यांच्या विविध क्षेत्रांतील कार्याची दखल घेत कर्मभूमीत झालेला हा सन्मान त्यांच्या सामाजिक व शैक्षणिक योगदानाला मिळालेली कौतुकाची पावती ठरली आहे.