फेकरीत पॉवर लिफ्टिंग बेंच प्रेस स्पर्धेला उत्स्फूर्त प्रतिसाद

फेकरी (मंगळवार, 31 ऑगस्ट 2026) : फेकरीतील जिल्हा परिषद शाळेत फ्रेंड्स क्लबच्या वतीने पॉवर लिफ्टिंग खुल्या बेंच प्रेस स्पर्धेचे आयोजन करण्यात आले होते. या स्पर्धेत यावल, रावेर आणि भुसावळ या तालुक्यांमधून मोठ्या संख्येने स्पर्धकांनी सहभाग नोंदवला. सर्वच स्तरांतील खेळाडूंनी आपल्या ताकदीचे प्रदर्शन करत स्पर्धेला रंगत आणली.

स्पर्धकांचा पदके देवून गौरव
प्रमुख उपस्थितांमध्ये फ्रेंड्स क्लबचे अध्यक्ष निशांत निकम, उल्हास बोरोले, प्रकाश सरदार, सिद्धार्थ निकम, महेंद्र चव्हाण, रमेश निकम, अन्वर शेख, योगेश सोनवणे, सिद्धार्थ मेढे, किरण हातोले आदी मान्यवर होते. उपस्थितांच्या हस्ते विजेत्या स्पर्धकांना पदके देऊन गौरविण्यात आले. सूत्रसंचालन राजकारण निकम यांनी केले.

यांचे यशस्वीतेसाठी परिश्रम
यशस्वीतेसाठी फेकरीतील फ्रेंड्स क्लबने अथक परिश्रम घेतले. स्थानिक क्रीडाप्रेमींनीही या उपक्रमाला चांगला प्रतिसाद दिला. महेंद्र चव्हाण यांनी आभार मानले. स्पर्धेमुळे या भागातील पॉवर लिफ्टिंग क्रीडाप्रकाराला चालना मिळणार असल्याची भावना व्यक्त करण्यात आली.