कोरोना जनजागृतीसाठी जागतिक महिला दिनानिमित्त रांगोळी स्पर्धा

वरणगाव : जागतीक महिला दिनानिमित्त महिलांसाठी वरणगाव येथे आनंद महिला फाऊंडेशन, पोलिस स्टेशन वरणगाव व रोटरी क्लब ऑफ, भुसावळ ताप्ती व्हॅली यांच्या संयुक्त विद्यमाने रांगोळी स्पर्धेचे आयोजन करण्यात आले आहे. या स्पर्धेत महिलांनी घरासमोरची साफसफाई करून कोरोनाविषयक जनजागृती करणारी सुरेख व सुबक रांगोळी काढून दोन मिनिटांचा व्हीडिओ व दोन फोटो आयोजकांच्या व्हॉटस्अ‍ॅपवर पाठवायचे आहेत. सायंकाळी दारात दीप रोषणाई करावयाची आहे तसेच सॅनिटायझर, साबण याचे महत्वदेखील विषद करायचे आहेत. विजेत्यांना आयोजकांकडून बक्षिसे व सहभागी स्पर्धकांना प्रमाणपत्र देण्यात येणार आहे.