राज्याचे अन्न पुरवठा नागरीमंत्री छगन भुजबळ यांच्या वाढदिवसानिमित्त उपक्रम
वरणगाव : शहरातील शिवभोजन केंद्रावर राज्याचे अन्न पुरवठा नागरी, ग्राहक सुरक्षा मंत्री तथा ओबीसी नेते छगन भुजबळ यांचा वाढदिवस आणि विजयादशमी दसर्यानिमित्ताने बस स्थानक चौकात असलेल्या शिवभोजन केंद्रावर शुक्रवार, 15 रोजी दुपारी 12 ते 2 या वेळेत श्रीखंड पुरी, वरणभात भाजीचे वाटप करण्यात येईल. गरीब व गरजू यांच्यासाठी राज्य शासनाने सुरु करण्यात आलेल्या या शिवभोजन केंद्रावर दररोज भुकेल्या असणार्या गरीब गरजवंताना वरणभात, भाजी, पोळीचे वाटप करण्यात येते परंतु विजयादशमी दसर्याचा शुभदिन असल्याने आणि राज्याचे अन्न पुरवठा नागरी ग्राहक सुरक्षामंत्री तथा ओबीसी समाजाचे नेते छगनरावजी भुजबळ यांचा वाढदिवस असल्याने दोन्ही औचित्य साधून येथील बस स्टॅन्ड चौकात असलेल्या शिवभोजन केंद्रावर शुक्रवारी दुपारी 12 ते 2 या वेळेत श्रीखंड, पुरी, वरणभात भाजीचे वाटप करण्यात येणार आहे. शहरातील गरीब व गरजू यांनी या गोडधोड जेवणाचा लाभ घ्यावा, असे आवाहन शिवभोजन केंद्र संचालक संतोष माळी (आपला माणुस) यांनी केले आहे.
