आमदार शिरीष चौधरींचा यशस्वी पाठपुरावा : यावल तालुक्यात हवामान यंत्रांच्या जागेत स्थलांतर

यावल : यावल तालुक्यात गेल्या महिन्यात मोठ्या प्रमाणावर थंडी पडून देखील स्वयंचलित हवामान यंत्रातील दोष अभावी (Faults in the automatic weather System) शेतकरी विमा लाभापासून वंचित राहिले. स्वयंचलित यंत्रणा नागरी वस्तीत असल्यामुळे शेतकर्‍यांना त्याचा फटका बसला. याबाबत आमदार शिरीष चौधरी (mla shirish chudhari) यांनी जिल्हाधिकारी कार्यालयातील बैठकीत हवामान यंत्र कंपनीला चांगलेचं खडसावले व स्वयंचलित हवामान यंत्र स्थलांतराचा मुद्दा मांडला होता. गत आठवड्यात पाहणीनंतर नुकतीच प्रत्यक्ष हवामान यंत्र स्थलांतराबाबत (Migration) कार्यवाही सुरू झाली आहे. यावल महसुल मंडळाचे यंत्र हरीपूरा येथे स्थळ निश्चित करीत कामाला सुरवात करण्यात आली. आमदार शिरिष चौधरींनी (Mla Shirish Chudhari) स्वत:हा हातात कुदळ, पावडा घेवून स्थलांतर कामाचा शुभारंभ केला.

शेतकर्‍यांना मोठा दिलासा
केळी उत्पादकांना महसुल मंडळनिहाय लावण्यात आलेले स्वयंचलित हवामान यंत्रात नोंद झाल्यानंतर पीक विम्याची रक्कम मिळते मात्र सदोष नोंदीमुळे शेतकरी यावेळी भरपाईपासून वंचित ठरले होते. सदोष नोंदीचे मुख्य कारण म्हणजे तालुक्यात महसुल मंडळनिहाय लावण्यात आलेले यंत्र हे नागरी वस्तीत होते. आमदारांनी जिल्हाधिकार्‍यांच्या उपस्थितीत झालेल्या बैठकीत स्कायमेट या कंपनीच्या प्रतिनिधींना चांगलेच खडसावत तत्काळ सदरील यंत्रणा स्थलातंर करण्यात संदर्भात कारवाईच्या सुचना केल्या होत्या. स्थळ निश्चितीनंतर स्वयंचलित हवामान यंत्रणा नवीन ठिकाणी स्थलांतरास (Migration) सुरवात झाली आहे. आमदारांच्या उपस्थितीत त्याचा शुभारंभ नुकताच झाला.