Chalisgaon Gramin Police Detektion चाळीसगाव : मोसंबीचा माल परस्पर विकून पैसे न देता पसार झालेल्या तिघा भामट्यांना चाळीसगाव ग्रामीण पोलिसांनी अटक केली आहे. मोबीन शेख उस्मान व रीजवान शेख मोबीन (मालेगाव) व सतीश फाटे (शिंदी) अशी अटकेतील आरोपींची नावे आहेत.
नायगावात आगीत दोन घरे खाक : सुदैवाने प्राणहानी टळली
मोसंबी उत्पादकांना घातला गंडा
चाळीसगाव तालुक्यातील शिंदी येथील शेतकरी माधव छगन जाधव त्यांनी शेतात मोसंबीची लागवड केली आहे. मोबीन शेख उस्मान व रीजवान शेख मोबीन (कुसुंबा रोड, मालेगाव) या दोघांनी शिंदी गावातील आतिष सुभाष फाटे यांच्या मध्यस्तीने माधव जाधव यांच्यासह गावातील 13 शेतकर्याचा मोसंबीचा 33 लाख 86 हजार रुपयांचा शेतमाल खरेदी करुन घेतला. त्यानंतर तो परस्पर विकून टाकला होता परंतु शेतकर्यांचे पैसे न देताच पसार झाले होते. फसवणूक झाल्याप्रकरणी माधव जाधव यांच्या फिर्यादीवरून चाळीसगाव ग्रामीण पोलीसात गुन्हा दाखल करण्यात आला होता.
यांनी आवळल्या आरोपींच्या मुसक्या
गुन्हा दाखल झाल्यानंतर पोलीस निरीक्षक संजय ठेंगे यांच्या मार्गदर्शनाखाली तांत्रिक विश्लेषणानुसार गुन्हे शोध पथकाने तपासाची चक्रे फिरविली. संशयित आरोपी मोबीन शेख उस्मान यास सुरत येथून सतिष फाटे यांस शिंदी तर रिजवान शेख मोबीन याला मालेगाव येथून अटक केली. ही कारवाई पोलीस निरीक्षक संजय ठेंगे यांच्या मार्गदर्शनाखाली सहाय्यक निरीक्षक धरमसिंग सुंदरडे, नाईक नितीन आमोदकर, कॉन्स्टेबल निवृत्ती चित्ते, नाईक नंदकुमार जगताप आदींनी केली.
भुसावळातील सेल्समनची आमोदा शिवारातील शेत विहिरीत आत्महत्या
