धुळ्यात दोन कोटींचा गुटखा जप्त : पाच आरोपी जाळ्यात

Dhule LCB Gutkha Karwai धुळे : धुळे स्थानिक गुन्हे शाखेने गोपनीय माहितीच्या आधारे रविवारी तब्बल चार कंटेनरमधून दोन कोटींचा गुटखा जप्त केला आहे. संशयीत दिल्लीहून मुंबईत हा गुटखा नेत असल्याचे स्पष्ट झाले आहे. या प्रकरणी साबीर मजीद खान (ग्रामघासेरा, जि.नुहू, हरीयाणा), शकील अहमद लियाकत अली (भडंगाका, जि.नुहू, हरीया), रुकमोद्दीन अयुब खान (हिरवाडी, फिरोजपूर, झिरका, नुहू, हरीयाणा), मुरसलिम रुजदार (सोमकी, नगर, जि.भरतपूर, हरीयाणा), नसीम खान अली मोहंमद खान (अलीगड गुंडवास, जि.पलवल) या पाच आरोपींना अटक करण्यात आली.

मावस भावानेच बलात्कार केल्याने पीडीता गर्भवती ; नैराश्यातून केली आत्महत्या 

गोपनीय माहितीवरून कारवाई
धुळे गुन्हे शाखा निरीक्षक शिवाजी बुधवंत यांना चार कंटेनरमधून प्रतिबंधीत गुटख्याची वाहतूक होत असल्याची माहिती मिळाल्यानंतर आर्वी गावाजवळील पुरमेपाडा गावाजवळ चार कंटेनर जप्त करण्यात आले. त्यांची तपासणी केली असता त्यात गुटखा आढळला. पथकाने एक कोटी 30 लाख 49 हजार 280 रुपये किंमतीचा गुटखा, 60 लाखांचे कंटेनर व 25 हजार रुपये किंमतीचे पाच मोबाईल जप्त करण्यात आले. संशयीतांविरोधात राजेंद्र सपकाळे यांच्या फिर्यादीनुसार धुळे तालुका पोलिसात गुन्हा दाखल करण्यात आला.