57 कोटींची थकबाकी वाढली : फैजपूरातील मधुकर सहकारी कारखान्याचा ताबा आता जिल्हा बँकेकडे

Madhukar Cooperative Factory फैजपूर : 57 कोटी रुपयांची थकबाकी थकबाल्याने जळगाव जिल्हा बँकेने सोमवारी यावल-रावेर तालुक्याचा आर्थिक कणा व मानबिंदू असलेला मधुकर सहकारी साखर कारखाना (Madhukar Cooperative Factory) आपल्या ताब्यात घेतला आहे. तत्पूर्वी दोन महिने आधी जिल्हा बँकेने (jalgaon jilha bank) कारखान्याची मालमत्ता जप्तीची नोटीस दिली होती मात्र त्यानंतरही कर्जाची रक्कम अदा न झाल्याने ही कारवाई करण्यात आली.

अखेर कारखाना जिल्हा बँकेच्या ताब्यात
मधुकर सहकारी साखर कारखाना (Madhukar Cooperative Factory)  आर्थिक संकटांचा सामना करीत असतानाच गेल्या दोन वर्षापासून बंद होता. मधुकर कारखाना भाडेतत्त्वावर देण्याचा प्रस्तावही समोर आला होता त्यासाठी दोन वेळा प्रक्रिया राबवूनही त्याला अपेक्षित प्रतिसाद मिळाला नाही. दोन महिन्यांपूर्वी जिल्हा बँकेने 57 कोटींच्या थकबाकी पोटी सेक्युरायटेशन अ‍ॅक्ट अंतर्गत कारखान्याची मालमत्ता जप्तीची नोटीस कारखान्याला दिली. या दरम्यान सर्व लोकप्रतिनिधी, आजी-माजी संचालक यांची संयुक्त बैठक होऊन जिल्हा बँकेने जप्तीची कारवाई स्थगित ठेवावी, अशी एकमुखी मागणी जिल्हा बँकेकडे केली होती मात्र त्या मागणीच्या कुठलाच उपयोग झाला नाही.