चाळीसगावातील गॅस एजन्सी लुटणार्‍या आरोपीची गोवा-मुंबई विमान सफर : महागड्या दारू व कपड्यांसह पोलिसांनी विमानतळावरच आवळल्या मुसक्या

Gas agency robbery in Chalisgaon exposed चाळीसगाव : शहरातील मालेगाव रोडवरील एच.पी.गॅस एजन्सीतून चाकूच्या धाकावर साडेचार लाखांचा ऐवज लांबवून पळ काढलेल्या आरोपीच्या चाळीसगाव शहर पोलिसांच्या मुसक्या आवळल्या (Gas agency robbery in Chalisgaon exposed) आहेत. भावेश मनोज माखीजा (मूळ रा.उल्हासनगर 5, मुंबई, ह.मु. सिंधी कॉलनी, चाळीसगाव) असे अटकेतील आरोपीचे नाव आहे.

नवरदेव तिकडे मित्रांमध्ये नाचत राहिला : कंटाळलेल्या वधूने इकडे दुसर्‍याच्या गळ्यात टाकली वरमाला

भरदिवसा केली होती लूट
चाळीसगावातील अशोक किसनचंद छाबडीया (58) हे मालेगाव रोडवरील एच.पी.गॅस एजन्सीत कामाला आहेत. या एजन्सीत दिवसभरात झालेल्या गॅस विक्रीचे पैसे सायंकाळी डिलीव्हरी बॉयकडून घेऊन दुसर्‍या दिवशी बंकेत भरणा करण्याचे काम छाबडीया करतात. सोमवार, 25 एप्रिल रोजी रात्री 8.30 वाजेच्या सुमारास छाबडीया हे नेहमीप्रमाणे डिलीव्हरी बॉयकडून पैसे घेऊन मोजत असताना दुकानाचे शटर वर करून भावेश मनोज माखीजा (22, रा.उल्हासनगर) हा चाकू घेऊन मध्ये आला. छाबडीया यांना किरकोळ दुखापत करून पैसे दे अन्यथा जीवे ठार मारण्याची धमकी दिली तसेच तीन लाख 65 हजारांची रोकड व 75 हजार रुपये किंमतीची हिरो होंडा कंपनीची दुचाकी (क्र.एम.एच. 19 डीएक्स 2912) घेवून संशयीताने पळ काढला होता. आरोपीविरोधात गुन्हा दाखल करण्यात आल्यानंतर संशयीत हा गोवा गेल्याचे व 28 एप्रिल रोजी गोवा येथून विमानाने मुंबई येथे परत येणार असल्याची माहिती सहाय्यक निरीक्षक सचिन कापडणीस व पथकाला मिळाल्याने सापळा रचण्यात आला. सहारा विमानतळ, मुंबई येथे संशयीत आल्यानंतर त्यास अटक करण्यात आली.