Muslim Spiritual Guru Shot Dead in Yeola अफगानी सुफी जरीफ बाबा चिश्ती यांची अज्ञाताकडून नाशिकमध्ये गोळी झाडून हत्या
Afghan Sufi Zarif Baba Chishti Shot dead in Yeola येवला : ख्वाजा सय्यद जरीफ अहमद चिश्ती उर्फ जरीफ बाबा (35) यांचा येवला शहरात गोळी झाडून खून करण्यात आल्याने राज्यासह देशात खळबळ उडाली आहे. (Afghan Sufi Zarif Baba Chishti Shot Dead in Yeola) मंगळवारी रात्री आठ वाजेच्या सुमारास ही घटना घडली असून मालमत्तेच्या वादातून चिश्ती यांचा कारचालक व सेवेकर्याने संगनमताने गोळीबार केल्याचा प्राथमिक अंदाज आहे.
सुफी संत म्हणून परीचीत
सोशल मीडियावर सुफी संत म्हणवून घेत प्रसिध्द असलेले जरीफ बाबा यांचा यु-ट्यूब, फेसबुक, ट्विटरवर मोठा चाहता वर्ग आहे. अफगाणिस्तानातून ते चार वर्षांपूर्वी भारतात स्थलांतर करून निर्वासित म्हणून वास्तव्यास आले होते. भारत सरकारने त्यांना निर्वासित म्हणून राहण्याची परवानगी दिली होती, असे जिल्हा पोलीस अधीक्षक सचिन पाटील यांनी पत्रकार परिषदेत सांगितले. ते सिन्नर तालुक्यातील वावी पोलीस ठाण्याच्या हद्दीत एका खोलीत भाडेतत्वावर राहत होते. त्यांच्यासोबत एक विदेशी महिलादेखील वास्तव्यास असून त्या प्रथमदर्शनी अफगानी असल्याचे समोर येत असल्याचे पाटील म्हणाले.
डोक्यात गोळी झाडून खून
जरीफ बाबा हे मंगळवारी दुपारी सिन्नरमधून त्यांच्या तीन ते चार प्रमुख सेवेकर्यांसह एक्सयुव्ही कारने येवल्यात दाखल झाले. तेथे एक ते दोन पुजाविधीचे कार्यक्रम पार पाडले. यानंतर जेवण केले. चिंचोडी एमआयडीसीमध्ये एका भुखंडाची खरेदी करायची आहे, त्याचे भूमीपूजन करण्याकरिता जायचे असल्याचे सांगून सेवेकरी बाबाला तेथे घेऊन गेले. संध्याकाळच्या सुमारास पुजाविधी आटोपून ते कारमध्ये बसत असताना कारचालकाने त्यांच्यावर पिस्तुलने गोळी झाडण्यात आली मात्र गोळी थेट डोक्यात शिरल्याने बाबाचा जागीच मृत्यू झाला. येवला पोलीस ठाण्यात खूनाचा गुन्हा दाखल करण्यात आला आहे. पोलिसांनी बाबाच्या एका सेवेकर्याला चौकशीसाठी ताब्यात घेतले आहे. तसेच हल्लेखोरांच्या शोधार्थ तपास पथके रवाना करण्यात आले आहेत.
हत्येचे सत्र थांबेना : नाशिकमधील अंबड लिंक रोड परीसरात युवकाचा धारदार शस्त्रांचे वार करून खून
