रावेरातील शौचालय योजनेत कोट्यवधींचा भ्रष्टाचार : लेखाधिकार्‍यांसह चौघे जाळ्यात
Corruption of Crores in Toilet scheme in Rawer Accounts : रावेर : राज्यात गाजत असलेल्या रावेरातील शौचालय योजनेतील भ्रष्ट्राचार प्रकरणी रावेर पंचायत समितीच्या वरीष्ठ सहायक लेखाधिकार्‍यांसह चौघांना बुधवारी रात्री उशिरा पोलिसांनी अटक केल्याने भ्रष्टाचार्‍यांच्या गोटात धाकधूक निर्माण झाली आहे. अनेक जण पोलिसांच्या रडारवर असल्याची माहिती आहे.
भुसावळ शहरात सूर्यकन्येचा जन्मोत्सव उत्साहात
दिड कोटींवर भ्रष्टाचार
रावेर पंचायत समितीत स्वच्छ भारत मिशन अंतर्गत गरीब कुटुंबाच्या शौचालय योजनेत तब्बल दिड कोटींच्यावर भ्रष्ट्राचार झाला आहे. या प्रकरणी रावेर पोलिसात अडीच महिन्यांपूर्वी दोघां विरुध्द गुन्हा दाखल करण्यात आला होता. ते दोघे अद्याप पसार असतांना रावेर पोलिसांनी शौचालय योजनेचा तांत्रिक पद्धत्तीने तपास सुरू केला असता भ्रष्ट्राचाराला जबाबदार असलेल्या आरोपींच्या अटकसत्रास सुरुवात झाली आहे. बुधवारी सायंकाळी उशिरा पंचायत समितीचे वरीष्ठ सहाय्यक लेखाधिकारी लक्ष्मण दयाराम पाटील, रवींद्र रामु रायपूरे, नजीर हबीब तडवी (दोघे रा.पाडळा बु.॥), बाबूराव संपत पाटील (रा.विवरे बु.॥) यांना रात्री उशिरा अटक केली.
126 संशयीत पोलिसांच्या रडारवर
अनेकवेळा अनुदान लाटलेले तब्बल 126 जण पोलिसांच्या रडारवर आहेत. अनुदान वर्ग करण्यात निष्काळजीपणा करणारे पंचायत समितीचे काही अधिकार्‍यांवर देखिल कारवाई होण्याची शक्यता आहे. ही कारवाई पोलिस निरीक्षक कैलास नागरे, सहाय्यक पोलिस निरीक्षक तथा तपास अधिकारी शीतलकुमार नाईक यांच्या मार्गदर्शनाखाली सुनील वंजारी, विकारुद्दीन शेख, अमोल जाधव, सुकेश तडवी, सचिन घुगे, सुरेश मेढे ,समाधान ठाकुर यांच्या पथकाने केली आहे.
भुसावळातील विवाहिता चारचाकी अपघातात ठार
