भुसावळात काँग्रेसने राज्यपालांच्या प्रतिमेला मारले जोडे

In Bhusawal, Congress killed the image of the Governor भुसावळ : भारताचे आराध्य दैवत छत्रपती शिवाजी महाराज यांच्या विषयी आक्षेपार्ह विधान करणार्‍या राज्यपाल भगतसिंग कोश्यारी व भाजपा प्रवक्ते सुधांशु त्रिवेदी यांचा भुसावळ शहर काँग्रेस कमेटीतर्फे बुधवारी प्रतिमेला जोडे मारून निषेध करण्यात आला.

कोश्यारी यांची हकालपट्टी करावी
स्वराज्य संस्थापक छत्रपती शिवाजी महाराज हे अखंड भारत देशाचे आराध्य दैवत आहे. जोपर्यंत चंद्र सुर्य आहे तोपर्यंत छत्रपती शिवाजी महाराज यांचे संपूर्ण भारतवासीयांच्या हृदयात अढळ स्थान असून राज्याचे राज्यपाल भगतसिंग कोश्यारी यांनी आक्षेपार्ह विधान करून संपूर्ण महाराष्ट्र राज्यातील जनतेच्या भावना दुखावल्या आहेत. वारंवार समाजात तेढ निर्माण करून शांतता भंग करणार्‍या भगतसिंग कोश्यारी यांची महाराष्ट्र राज्यातून हकालपट्टी करावी, अशी मागणी यावेळी करण्यात आली.