श्रीकृष्ण हायस्कूसह महाराणा प्रताप विद्यालयाचा संघ विजयी

महाराणा प्रताप विद्यालयाचा संघ विजयी
स्पर्धेत 14 वर्षे वयोगटातील सामना महाराणा प्रताप विद्यालय, भुसावळ विरुद्ध बियाणी इंग्लिश मीडियम स्कूलच्या संघात झाला. त्यात महाराणा प्रताप विद्यालयाचा संघ तीन गुणांनी विजयी झाला. सतरा वर्षे वयोगटातील अंतिम सामना बियाणी मिलिटरी स्कूल, भुसावळ विरुद्ध श्रीकृष्ण हायस्कूल, शिंदी यांच्यात होवून शिंदी हायस्कूलचा संघ 30 गुणांनी विजयी झाला. 19 वर्षे वयोगटातील स्पर्धेत नाहाटा कॉलेज, भुसावळ विरुद्ध बियाणी ज्यूनियर कॉलेज, भुसावळ यांच्यात सामना रंगला. त्यात बियाणी कॉलेज विजयी झाले. 14 वर्षे वयोगट मुलींच्या सामन्यांमध्ये अहिल्यादेवी विद्यालय विरुद्ध डॉ.उल्हास पाटील इंग्लिश मीडियम स्कूल यांच्यात सामना होवून अहिल्यादेवी कन्या विद्यालयाचा संघ सात गुणांनी विजयी झाला. मुलींच्या सतरा वर्षे वयोगटात श्रीकृष्ण हायस्कूल, शिंदी विरुद्ध अहिल्यादेवी कन्या विद्यालय, भुसावळ यांच्यातील अंतिम सामन्यात शिंदीतील संघाने नऊ गुणांनी बाजी मारली. मुलींच्या 19 वर्षे वयोगटाच्या सामन्यांमध्ये अंतिम सामना बियाणी मिलिटरी स्कूलविरुद्ध बियाणी पब्लिक स्कूल यांच्यात होवून बियाणी मिलिटरी स्कूलचा संघ सात गुणांनी विजयी झाला.

स्पर्धा यशस्वीतेसाठी यांचे परीश्रम
पंच म्हणून विलास पाटील, नरेंद्र म्हस्के, राजू कुलकर्णी, बी.एन.पाटील, प्रदीप साखरे, आर.आर.धनगर, रमण भोळे, कांतीलाल कुलकर्णी, एस.टी. कोळी, वंदना ठोके आदींनी काम पाहिले. स्पर्धा यशस्वीतेसाठी नरेंद्र म्हस्के, पराग पाटील, मुकेश मोरे, काशीराम बारेला व बियाणी स्कूल स्टॉफसह खेळाडूंनी सहकार्य केल्याचे तालुका समन्वयक बी.एन.पाटील कळवतात.