आडगावच्या शेतकर्याची एक लाख 16 हजारांची रोकड बसमधून लंपास
पारोळा बसस्थानकावरील घटना : चोरट्यांचा कसून शोध
पारोळा : कापूस विक्री करून आलेली तब्बल एक लाख 16 हजारांची रक्कम देण्यासाठी निघालेल्या आडगावच्या शेतकर्याला बसमध्ये चढताना मोठा फटका बसला. पारोळा बसस्थानकावरून अमळनेर बसमध्ये चढताना चोरट्यांनी शेतकर्यांच्या हातातील बॅगेला ब्लेड मारून ही रक्कम लांबवल्याची घटना 24 रोजी दुपारी तीन वाजेच्या सुमारास घडली. आडगावचे शेतकरी श्रीराम भिवराव चौधरी हे आडगाव येथून नातेवाईकाला अमळनेर येथे रक्कम देण्यासाठी जात असताना त्यांच्यावर संकट ओढवले. याबाबत पारोळा पोलीस ठाण्यात अज्ञात चोरट्याविरुद्ध गुन्हा दाखल करण्यात आला.
