ग्राहकांनी कायदा समजून घ्यायला हवा -अ.फ.भालेराव
भुसावळात ग्राहक दिनानिमित्त आयोजित ग्राहक पंधरवड्याचा समारोप : जनजागृतीसाठी ग्राहक मेळावा
भुसावळ : ग्राहकाने सदैव जागृत असले पाहिजे, कायदा समजून घेतला पाहिजे, कायद्याच्या फायद्यासाठी प्रबोधनाची नितांत आवश्यकता असून न्याय व हक्काकरीता ग्राहकाने लढण्याची ताकद ठेवावी. जागृत ग्राहकाची गरज आहे, यासाठी बिल नेहमी पक्के घ्यावे, चलन नाकारणे हा राष्ट्रदोह आहे. ग्राहकांनी कायदा समजून घेतला पाहिजे, असे आवाहन ज्येष्ठ साहित्यीक तथा जिल्हा ग्राहक परीषदेचे उपाध्यक्ष अ.फ.भालेराव यांनी केले. ग्राहक दिनानिमित्त ग्राहक पंधरवडा समारोप प्रसंगी ग्राहक जनजागृतीच्या अनुषंगाने ग्राहक मार्गदर्शक मेळाव्याचे आयोजन मंगळवार, 31 डिसेंबर रोजी रानातला महादेव मंदिर, शिवशक्ति हुडको कॉलनी, जामनेर रोड येथे करण्यात आले होते. याप्रसंगी भालेराव बोलत होते.
ग्राहकाने सदैव जागृत असावे
साहित्यिक भालेराव म्हणाले की, ग्राहकाने सदैव जागृत असले पाहिजे, कायदा समजून घेतला पाहिजे, कायद्याच्या फायद्यासाठी प्रबोधनाची नितांत आवश्यकता असून जागृत ग्राहकाची गरज आहे. वस्तु घेतल्यानंतर पक्के बिल घ्यावे तसेच वस्तूंमधील भेसळ कशी ओळखावी यावर अतिशय मार्मिक कथा व काव्य सादर करून मार्गदर्शन केले. जर चुकुन ग्राहकाची फसवणूक झालीच तर त्यांना न्याय व हक्क मिळवून देण्यासाठी ग्राहक मंचाने मार्ग दाखवावा, आजच्या युगात उत्पादकापासून ते व्यापार्‍यांपर्यंत सर्व स्वार्थी झाले आहे. स्वार्थी वृत्ती ही ज्या दिवशी संपेल तेव्हा खर्‍या अर्थाने ग्राहक राजा होईल, असेही भालेराव यांनी सांगितले.
यांची कार्यक्रमास उपस्थिती
अध्यक्षस्थानी राज्य ग्राहक संरक्षण परिषद मंत्रालय मुंबईचे सदस्य विकास महाजन होते. व्यासपीठावर भुसावळ पालिकेच्या मुख्याधिकारी करुणा डहाळे, अ.भा.ग्राहक पंचायतीच्या अध्यक्ष अ‍ॅड.कल्पना टेमाणी, सचिव अ‍ॅड.जास्वंदी भंडारी, उपाध्यक्ष राजेश सैनी, कोषाध्यक्ष टेमाणी
आदी उपस्थित होते.
यांची होती कार्यक्रमास उपस्थिती
भुसावळ नगरपालिका मुख्याधिकारी करुणा डहाळे यांनी आपल्या मनोगतात भुसावळ ग्राहक पंचायतीने अल्प काळात ग्राहक जागृतीच्या क्षेत्रातील केलेल्या कार्याचे कौतुक केले. विकास महाजन यांनी अध्यक्षीय भाषणात भुसावळ तालुका ग्राहक मार्गदर्शन केंद्राचा लाभ घ्यावा तसेच ग्राहकांनी जागरूक व्हावे, असे आवाहन केले. अ.भा.ग्राहक पंचायत भुसावळ तालुका अध्यक्षा अ‍ॅड.कल्पना टेमाणी यांनी ग्राहक न्याय कुठे व कोणत्या प्रकारे मागु शकता याविषयी माहिती दिली. सूत्रसंचालन सचिव अ‍ॅड.जास्वंदी भंडारी तर आभार तालुका संघटक पत्रकार ऊज्वला बागुल यांनी मानले. कार्यक्रमाला सर्व हुडको कॉलोनी येथिल रहिवाशी मोठ्या संख्येने उपस्थित होते.
कार्यक्रमाच्या यशस्वितेसाठी भुसावळ ग्राहक पंचायतचे उपाध्यक्ष राजेश सैनी, कोषाध्यक्ष घनश्याम टेमानी, अ‍ॅड.निलेश भंडारी, तालुका सहसंघटक हर्षल गोराडकर, सदस्य आदेश सांगळे, राजश्री नेवे, अनमोल टेमाणी, सुनीता राणे, नेहा यावलकर, पांडव, बर्‍हाटे, हुडको कॉलनीवासी प्रदीप बावस्कर, पितांबर पाटील, अतुल गुरव , किर्ती देवकर, स्वाती श्रींगोंदेकर, संगीता कुलकर्णी, वैशाली एकलारकर आदींनी सहकार्य केले.
